Ожо-вожо: Эн тарка инкуазез!

Удмурт Дунне
By Удмурт Дунне Июнь 14, 2017 09:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Выжыкылын кадь

Виктория Чекина,
Алнаш ёросысь Писэйгурт школаысь
7-тӥ классын дышетскись

Арлэн котькуд вакытэз —
Я сӥзьыл, я гужемед,
Я кезьыт тол, я тулыс —
Дышетэ адямиез
Юн гажаны дуннеез,
Сюдӥсь-утись музъемез.
Дышето на асьмемыз
Инкуазьлэн юлтошъёсыз:
Пичи мусо бурдоос —
Валаны инкуазь гурез,
Жужгетӥсь сюлмо мушъёс —
Яратны котькуд ужез,
Юзмыт вуо ошмесъёс —
Зэмлыклы но чылкытлы.
Яркыт пиштӥсь шундымы
Куре ӟеч сямо луны,
Возь вылысь нош сяськаос
Чеберлык, пе, пыӵато.
Улонмы котькуд нунал
Медло выжыкылын кадь.
Бадӟым музъеммы вылын
Трос пӧртэм писпу будэ.
Котькудзы луо соос
Ог-огзылы юн эшъёс.
Асьмеды но дышето,
Дэмен улыны куро.
Утелэ, дуно эшъёс,
Мӧйыез но пересез,
Нюлэсэз, шурез, возез,
Дуно мусо инкуазьмес!

 

Куинь дэмлан

Марина Ефремова,
Можга ёрос, 12 арес.

Улӥсько Поршур гуртын,
Нюлэсмы гуртлы матын.
Калыклы дэмлан дасяй,
Тон но сое кылзы ай.

Нырысетӥез таӵе:
Нюлэсэз тон уть, эше.
Туж трос солэн пайдаез,
Туж трос отын улӥсез.

Кыкетӥ дэмлан таӵе:
Утялты юрт котырдэ,
Мертты котырад сяська,
Жуг-жагдэ нимаз люка.

Куинетӥ дэмлан малпай:
Писпуос тон мертты ай.
Мед луоз чылкыт омыр,
Шокалом соку майбыр.

 

Эн тарка!

Станислав Краснопёров,
Кияса ёросысь Карамас-Пельга школаысь
7-тӥ классын дышетскись

Нюлэсъёс но возь вылъёс,
Малы бырыло соос?
Медам лу озьы шуса,
Соослы мон юрттысал.
Та кылбурысь кылъёсы
Йырады мед кылёзы!
Пӧйшурез ке тон ыбид —
Аслыд гинэ вӧсь карид!
Тылскем бервылдэ кельтӥд —
Нюлэскы тылпу вайид!
Адӟыса тон эн ортчы:
Куштэм банкаез, жагез
Ӝут му вылысь чалякгес.
Жаг куян вань со понна,
Инкуазьмес тон эн тарка!

 

Удмурт Дунне
By Удмурт Дунне Июнь 14, 2017 09:22 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<