«Ленин сюресысь — Мордовие»

Удмурт Дунне
By Удмурт Дунне 1 июня, 2017 12:21

Алнаш ёросысь Кадикгуртысь «Палэп» хозяйстволэн фермаяз вожвылъяськизы шаерысьтымы устоосыз скал кыскисьёс.

Ужрадэз усьтӥзы гурт удысъя но сиён-юонъя министрлэсь ужзэ быдэсъясь Александр Прохоров но Алнаш ёрослэн йырыз Алексей Семенов.

Сӥё-дано куно чотын вал Вотка ёросысь Дмитрий Биянов — со 2013-тӥ арын Россиысь скал кыскисьёслэн ӵошатсконазы вормиз — но Юкаменск ёросысь Галина Ившина. Кышномурт элькун  ӵошатсконъёсы 3 пол пыриськылэмын. Со вераз, дышетскемезъя физкультурая дышетӥсь шуыса, дышетсконзэ горд дипломен йылпумъямын.

Кадикгуртын вожвылъяськизы шаерысьтымы кужмоосыз 25 скал кыскисьёс, соос радын вал Дэри но Якшур-Бӧдья ёросъёсысь 2 воргоронъёс но. Ваньмыз ӵошатскисьёс усто  луэмзэс возьматӥзы. Вожвылъяськон 4 этапен ортчиз.

Конкурсэ пыриськисьёс скал кыскон аппаратэз сэрттӥзы-бичазы, юанъёслы шонер валэктон сётъязы, озьы ик эскеремын вал соослэн пудоез ӝог кыскыны но чылкыт ужаны быгатэмзы.

Тужгес устоез скал кыскись луиз Эгра ёросысь «Ленин сюрес» хозяйствоысь Роза Веретенникова. Егит нылкышно гурт удысын 9 арлэсь кема тырше ини. Табере со Удмуртилэсь данзэ утёз Мордовиын — Россиысь скал кыскисьёслэн 16-тӥ вожвылъяськоназы. 2-тӥ но 3-тӥ инты басьтӥзы Алнаш ёросысь «Колос» хозяйствоысь Фаина Чиркова но «Палэп» эштосысь Алевтина Фёдорова.

Леонид Ушаков

Туспуктэмез авторлэн

Удмурт Дунне
By Удмурт Дунне 1 июня, 2017 12:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<