«Лэсьтэмын Удмуртиын» форумлэн емышъёсыз сярысь

Удмурт Дунне
By Удмурт Дунне Июнь 7, 2017 15:00

«Лэсьтэмын Удмуртиын» форумлэн емышъёсыз сярысь

25-тӥ-26-тӥ куартолэзе Ижын ортчиз «Лэсьтэмын Удмуртиын» форум. Кыӵе малпанъёс улонэ пыӵалозы матысь дыре. 

Усьтӥськоз Бизнесъя академия. Туэ сентябрьысен ик ужбергатӥсьёс отын дунтэк дышетскыны быгатозы. Удмуртилэн Тӧроезлэсь ужзэ быдэсъясь А. Бречалов но «Синегия» университетлэн огез директорез В. Лобов та пумысен огкыл кутӥзы.

— Кылдоз нылкышно ужбергатонэз азинтонъя карта. Отчы пырозы форумын чузъяськем малпанъёс, проектъёс. Озьы ик Удмурт шаер пыриськоз «Анай — ужбергатӥсь» федерал дышетон программае.

— Кылдоз инвесторъёслы карта. 1-тӥ гудырикошконысен отысь адӟыны луоз, маин шаермы быгатоз кыскыны инвесторъёсты.

— Улӟоз Удмуртилэн Тӧроез бордын ужась Экономикая кенеш. Отчы пырозы тодмо ужбергатӥсьёс, ёрос но кар йыръёс, вузъёсысь дышетӥсьёс но ведомствоосын кивалтӥсьёс. Кенеш толэзьлы быдэ люкаськылоз, ужбергатон удысын кылдэм шуг-секытъёсты сэрттыны юрттоз.

Кылдоз ужбергатӥсьёс понна огъя портал. Отысь шедьтыны луоз ужбергатон, законъёс, экспорт пумысен но мукет сюлэмшугъятӥсь юанъёслы валэктонъёс.

Со сяна, чузъяськизы на трос мукет малпанъёс. Кылсярысь, ортчытоно киын ужась адямиос куспын WorldSkills Russia выллем элькун чемпионат. Кызьы ивортӥз тодмо ужбергатӥсь Е. Лазарева, Ижын ортчыны быгатоз семьяос понна рок фестиваль.

УД

Удмурт Дунне
By Удмурт Дунне Июнь 7, 2017 15:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<