Ижысь М. Горький нимо сад концертъёсы ӧте!

Удмурт Дунне
By Удмурт Дунне 16 июня, 2017 17:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

17-тӥ иновожоысен кутскыса, котькуд кӧснуналэ садын шутэтскисьёс быгатозы шаерысьтымы коллективъёслэсь концертъёссэс учкыны. Шулдыръяськонъёс кутскозы 18 часысен но кыстӥськозы 20 часозь.

Кинлэн М. Горький нимо садлэн сцена вылысеныз калыкез шулдыртэмез потэ, жингыртэ та телефонъя: 8 (3412) 572-065 (Антонова Алина Вячеславовна) но лэзе заякадэс anav@mkitur.ru  электрон почтае.

Таӵе шулдыръяськонэз радъяны кичӧлтон сётӥз лулчебертъя но туризмъя министрлэсь ужзэ быдэсъясь В. Соловьёв. Угось шаерамы туннэ трос гинэ егит самодеятельной коллективъёс. Соос мылысь-кыдысь крезьгурен выро, но ӵемысь площадкаослы ёрмо, калык соосыз уг адӟы. Соин валче малпан кылдӥз М. Горький нимо садын егит коллективъёслы площадка радъяны.

Ветеранъёс но мӧйыос понна та выллем площадка вань ини — Правительстволэн юртэз сьӧрысь ротонда. Соослы отын арнялы 2 пол эктон ӝытъёс радъяськыло.

Горький нимо садын концерт возьматыны 11 коллективъёс заявка сётӥллям ини. Пӧлазы кырӟасьёс но, эктӥсьёс но вань. Куриськон ыстыны али но бер ӧвӧл на. Проект быдэс гужем ӵоже кыстӥськоз. Ёросъёсысь но кырӟасьёс та ужрадэ пыриськыны быгато. Мылкыдзы гинэ мед луоз.

Кинлэн М. Горький нимо садлэн сцена вылысеныз калыкез шулдыртэмез потэ, жингыртэ та телефонъя: 8 (3412) 572-065 (Антонова Алина Вячеславовна) но лэзе заякадэс anav@mkitur.ru  электрон почтае.

Наталия Самсонова

 

Удмурт Дунне
By Удмурт Дунне 16 июня, 2017 17:10 Updated