Ижкар — инкуазь сярысь сюлмаськись 20 городъёс пӧлысь

Удмурт Дунне
By Удмурт Дунне 20 июня, 2017 16:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылем субботае Иже одӥг нуналлы дугдылӥз инкуазез утёнъя «Гринпис» огазеяськонлэн автобусэз. Со музей сямен ужа — возьматэ, кызьы кырсёме инкуазь, кызьы котькудмы быгатӥськом сое утьыны.

«Гринписъёс» адӟытонэнызы 50 нунал куспын 15 городъёсы вуылыны чаклало. Ижкар — 11-тӥез кар, нырысь ик жагез нимаз бичан сярысь вераськизы Воронежын. Ижысь Шор площадьысь бадӟым но яркыт автобус данак адямиез гочатӥз. Инкуазь понна сюлмаськисьёсын артэ татчы люкаськизы огшоры мынӥсь-ветлӥсьёс. Но со ик умой: макем тросгес адями кылоз, кызьы луэ инкуазез зол кырсёмытытэк улыны, сокем чылкытгес луоз котырмы. Ӵапак та сярысь вераськизы Ижысь «Зелёный паровоз» но «Гринпис» огазеяськонъёсысь азьветлӥсьёс. Ижысь инкуазез утись Соня Коптикова вераз, кызьы луэ инкуазез утьыны юрттӥсь ӟеч сямъёслы дышыны. Кылсярысь, лавкаысь полиэтилен пакет басьтэм интые, сьӧре нуллоно басмалэсь вурем сумка.

«Гринпислэн» автобусаз усьтэм адӟытон вераз кадь, котькудӥз ачиз быръе: жаг пӧлын улыны яке жагез нимаз октыны но солэсь пайда поттыны. Арлы быдэ асьме кунамы кырсь интыос 0,4 миллион гектарлы йыло, соос тэрысалзы Москва но Санкт-Петербург кадь бадӟым  городъёсы.

Жагез куштэм интые, солэсь пайда поттыны луэ, оскыто инкуазез утисьёс. Кылсярысь, пластик бутылкаослэсь али мар гинэ уг лэсьто: тротуар плитка, машина питран, паймоно кадь, но флислэсь кофта керттонэ но пыргытэм пластик мынэ. Музъемысь мувӧй качам интые, пыд улын лошъяськись арбериосты кутыны дышетсконо.

«Гринписъёс» городысь кивалтӥсьёсын, жагез поттӥсь предприятиосын пумиськылӥзы на. «Гринписысь» Дмитрий Нестеров чакламъя, Ижын жагез нимаз октон, быдэс Россиез учкыса, умой радъямын. Та понна трос сюлмаське «Зелёный паровоз» огазеяськон. Азбаръёсын пуктылэмын пластик но корт жагез нимаз бичанъя контейнеръёс. Таӵе ик амалъя ужаны кутскизы ни Глазовын но. Озьы ик, луонлык пуйыосты, пиялаез, бумагаез вайыны толэзьлы 2 пол ортчылӥсь «Разделяйка» акцие. Та ӟеч сямез асэстӥзы  Дэриын но. «Вож» движениысь адямиос итӥськын куро  ваньдэсты та ӟеч уж борды.

Ангелина Снигирёва

Туспуктэмъёс: vk.com («Зелёный паровоз»)

 

 

 

 

Удмурт Дунне
By Удмурт Дунне 20 июня, 2017 16:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<