Иськемъёс кышкыт медаз луэ

Удмурт Дунне
By Удмурт Дунне Июнь 27, 2017 09:58

20-тӥ июне Ижевске вуылӥз Россиысь Сюресъёсъя агентствоен кивалтӥсь Роман Старовойт. «Кышкыт луисьтэм но ӟеч сюресъёс» проектлэсь быдэсъяськемзэ эскериз, Удмуртилэн Тӧроезлэсь ужзэ быдэсъясен Александр Бречаловен пумиськылӥз.

А. Бречалов но Р. Старовойт эскеро Ижын лэсьтэм сюресъёсты.

Москваысь кунолэн сюресэз Казань-Новосибирск пыр ортче, Ижевске пырамез бере Р. Старовойт Перме кошкиз.

Сюресъёсты тупатъян-выльдон ужъёс пӧлы пыро асфальтэн шобыртон, сюрес дуръёсыз, светофоръёсыз, юбоосыз тупатъян. «Кышкыт луисьтэм но ӟеч сюресъёс» проект быдэсъяськоз 2025-тӥ арозь. 8 ар куспын 50 сюрс иськемлэсь трос федерал но улосвыл сюресъёсты тупатъяны чакламын, шуккиськон учыръёс ӧжытгес мед кылёзы шуыса. Проектэ шедемын 30-лэсь ятыр городъёс. Озьы гужем ӵоже шаерамы 179 иськем сюрес тупатэмын луоз. Со понна Россилэн но Удмуртилэн бюджетъёсысьтызы 1,78 миллиард манет вуоз. Шаерысьтымы 80 процентэз федерал сюресъёс вылӥ куронъёслы тупамон луыны кулэ.

— Улосъёсысь сюресъёслэн ӟечлыксы сярысь трос веранэз ӧвӧл, ваньмыз син азьын, — шуэ Роман Старовойт. — Интыосысь Сюрес фондъёсы тырмыт коньдон висъямтэен, лэсьтӥськон ужъёс ньӧмыз понна быдэсъяськизы. Россиысь программа чотын улосъёсын югдур умой пала воштӥськыны кулэ. Бадӟым сюресъёсты тупатъян сяна, пыдын ветлон интыосты выльдыны чакламын.

Р. Старовойт но Удмуртиысь кивалтӥсьёс эскеризы Ижевскысь Карл Либкнехт, Удмуртской, 9-тӥ Январь ульчаосысь но Воткинской шоссеысь выль асфальтлэсь ӟечлыксэ. Шекъёсты ӧз шедьтэ, табере, пе, сое эскерыса возёно. Сюрес лэсьтӥсьёс со понна 4 ар кыл кутозы, эскерыса возёзы. Проектэ Ижевскысь 33 ульчаос но шаерысьтымы куд-ог ёросъёс шедемын. Лэсьтӥськон мынэ ни Ижевск — Воткинск, Воткинск — Кельчино, Воткинск — Чёрная, Сарапул — Воткинск, Якшур-Бӧдья — Шаркан сюресъёс вылын но Дэри ёросысь Люк но Гольян черкогуртъёсы, Изгуртэ нуись сюресъёс вылын.

— Шаерысьтымы сюресъёсты эскерыса возён вылысь, шаерамы нимысьтыз группа кылдытэмын, соин кивалтэ мынам советнике Ярослав Семёнов, — шуэ Александр Бречалов. Тыршемзылэн емышез шӧдӥське ни. Нырысь ик саклык висъямын торгъёслы. Со чотын гинэ шыръямын ог 170 миллион манет. Озьы ватсаса луонлык шедиз шаерысьтымы сюресъёсты тупатыны.

Нимысьтыз саклык висъяно сюресъёслэсь ӟечлыксэс эскеронлы, татын бадӟым оскон калыклы. Удмуртиын пӧртэм огазеяськонъёс вань: «Калык фронт», Автомобилистъёслэн огазеяськонзы но мукет. Александр Бречалов малпамъя, матысь дыре ваньзэс соосты огазе люкаса, сюресъёсты эскеронъя нимысьтыз группа кылдытоно но сюресъёслэсь ӟечлыксэс шонер дунъяны дышетоно.

— Кылсярысь, калык ивортэмъя шараяськизы Балезино ёросысь Серьгиное нуись, Шаркан ёросысь сюресъёслэн алама люкетъёссы, тулыс куазен, пе, отӥ спасательёс но бадӟым машинаос ортчыны уг быгато, — шуиз Александр Бречалов.

Валентина Емельянова

Туспуктэм: udmurt.ru

 

Удмурт Дунне
By Удмурт Дунне Июнь 27, 2017 09:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<