«Горд гвоздикаез» басьтыса, юрттод ветеранлы

Удмурт Дунне
By Удмурт Дунне 16 июня, 2017 12:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Россиын 1-тӥ куартолэзе вузаськыны кутскизы горд гвоздикаен значокъёс.  Сое вузаса люкам уксё мыноз ожысь ветеранъёслы юрттэт сётон понна. Акциез радъя Россиысь «Память поколений» фонд. 

Ижын горд гвоздикаен гадьпусэз луэ басьтыны «Магнит», Sela но «Радуга звуков» вузкаронниосысь. Сылэ со 50 манет.

— Та акциен милям быдэс странаысь калыкез огазеяммы потэ: нылкышноосты, воргоронъёсты, школаын дышетскисьёсты но студентъёсты, арлыдоосты но ужбергатӥсьёсты, — пусйиз «Память поколений» фондлэн огез директорез Екатерина Круглова.

22-тӥ инвожое кутскиз Быдӟым Атыкай ож. Та нуналэ, горд гвоздикаез гадяз бырттыса, котькуд адями быгатоз возьматыны аслэсьтыз кайгыремзэ но ветеранъёслы юрттӥськемзэ.

Ижын горд гвоздикаен гадьпусэз луэ басьтыны «Магнит», Sela но «Радуга звуков» вузкаронниосысь. Сылэ со 50 манет. Вань бичам уксё мыноз ветеранъёслы, тросэзлы соослы кулэ эмъюрттэт.

«Память поколений»  фондэн кивалтэ нырысетӥ нылкышно космонавт Валентина Терешкова. Фонд 2-тӥ арзэ ужа ни, та дыр ӵоже 3 сюрс пала ветеранъёслы юрттӥз ни: кинлы ке кузьмамын кресло-коляскаос, висьыса кыллисьёслы чаклам кровать, кинлы ке уксё висъямын протез пуктон, эмъюм басьтон понна. Уго Быдӟым ож, Афганистанын, Сириын ожъёс пыр потэм, Уйпал Кавказын террористъёсын нюръяськыку сӧсырмем ветеранъёслы ялан тазалыксэс юнматоно луэ, со понна трос уксё кулэ. Котькуд мылкыд карись, «Память поколений» фондлэн вотэсбамаз пырыса, ветеранъёслы юрттон вылысь уксё келяны быгатэ.

УД

 

Удмурт Дунне
By Удмурт Дунне 16 июня, 2017 12:50