Чапаев проезд: одигъёсыз юртсэс дэмен юнмато, мукетъёсыз дасьсэ возьмало

Удмурт Дунне
By Удмурт Дунне Июнь 16, 2017 22:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Одӥг ульчаын ик кин кызьы улэ: одигъёсыз юртсэс дэмен юнмато, мукетъёсыз дасьсэ возьмало.

Ижысь Чапаев проездысь куашкан калэ вуэм 33-тӥ пу барак котырын берло 2 нуналзэ бызьылӥсьёсыз лачак. Сое эскерыны лыктыны толон «Меӵак линия» дыръя сӥзиз ачиз Владимир Путин. Отын улӥсьёс югдурзы вылэ ӝожтӥськизы уго. Но проездын мукет начар коркаос но лачак.

33-тӥ корка котырын гинэ 19-тӥ, 23-тӥ, 25-тӥ, 35-тӥ коркаос мырдэм векало. Артэ ик сылэ 17-тӥ корка. Отысь калыкез выль коркаосы миым выжтӥзы. Таосыз уго 2012-тӥ арозь куриськон гожтыса вуттӥзы, корказэс аварийной мед лыдъялозы шуыса. Озьы куашкан калэ вуэм коркаосысь выль квартираосы 2017-тӥ арозь выжтон программае сюризы. Таин сэрен ик улон условиоссэс умоятыны луонлык ӝог сюриз. Нош мукетъёсыз документъёсын беромизы. Ижысь  Индустриальной ёрослэн йырыз Любовь Зайцева верамъя, юртсэс аварийноен лыдъяны курыса, проездысь 3 коркась куриськон вуэмын. Мукетъёсыз документъёссэс ӧз вуттэ.

Людмила Плетникова но Галина Матвеева.

— Бызьылонэз трос. Экспертиза ортчытыны ик кӧня уксё кулэ, нош кытысь милям коньдонмы? – шуэ 25-тӥ коркась Галина Матвеева.

— Мынам уждунэ 10 сюрс манет, картэлэсь кӧня басьтэмзэ ик уг тодӥськы, — бордаз итӥське Людмила Плетникова. – Толлы 6 сюрс но ӝыны манет тыр пу басьтӥськомы. Со но квартирамес шунтыны уг тырмы – котькӧня эсты, кезьыт. Обогреватель лэзиськомы. Озьы толэзьлы быдэ тыллы гинэ 2 сюрс манет тыриськон вуэ.

— Но ми ӝожтӥськыны дышемын ӧвӧл, — веранзэ азьланьтэ Галина Матвеева. – Кунлэсь юрттэмзэ возьмаса ум пукиське. Асьмеос квартираосамы ву пыртӥмы. Сьӧросэ педло ветлонтэм понна, квартираосамы висъет лэсьтӥмы, отчы ик душ юнматӥмы. Тол медаз пельты шуыса, укноосмес пластиклы воштӥмы. Юртмы  Механической заводлэн лыдъяське, асьме вылэ приватизировать каремын ӧвӧл ке но, выльдӥськытэк ум улӥське.

Озьы тӥни одӥг проездын ик кин кызьы улэ: одигъёсыз ланьырась корказэс но уг юнмато, мукетъёсыз котькуд шальтрам ӟуссэс гинэ но дэмен шукко.

Елена Сараматова

Туспукӥз А. Горбунов

Удмурт Дунне
By Удмурт Дунне Июнь 16, 2017 22:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<