Анай капиталэн ӝутом корка!

Удмурт Дунне
By Удмурт Дунне Июнь 15, 2017 13:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Туэ гужем корка пуктыны чакласькомы, стройматериал октомы анай капиталэн. Но кылӥ: сое одӥг вазиськемен быдэссэ уг сёто, пе. Малы озьы? Али басьтӥмы ке ӝынызэ, кылем ӝынызэ ку сётозы?

Р. Антонова.

Алнаш ёрос

 Валэктэ Пенсиосъя фондысь социальной тыриськонъёсъя отделэн кивалтӥсь Татьяна Храмцова: 

Тросэз анай капиталэн корка пуктыны малпась семьяос, Пенсиосъя фондэ вамыштыкузы, оско, 453 сюрс манет счётазы 1-2 толэзь куспын вуоз шуыса. Но со озьы ӧвӧл. Коньдон быдэсыз лыктэм дорозь чидано луоз.

Нылпилы 3 арес тырмытэк, анай капиталэз пуктӥськонлы кутыны уз луы. Пичидылы 3 арес тырмем бере гинэ мыноно Пенсиосъя фондэ но гожтоно куриськон. Сое эскерозы толэзь ӵоже.

Нырысь ик музъемды мед луоз. Басьтоды-а сое, арендае-а куроды — асьтэос тододы. Со одно ик гожтэмын луыны кулэ кудӥз ке кузпалъёс вылэ (атай вылэ но яра, одно анай вылэ ӧвӧл). Со сяна, пуктӥськыны лэзем сярысь документты мед луоз.

Коркаез пуктыны луэ ас коже, озьы ик лэсьтӥськись огазеяськонъёсы вазиськыса. Кыкетӥзэ амалэз бырйиськоды ке, лэсьтӥськисьёсын огкыл гожтоно. Таӵе учыре Пенсиосъя фонд уксёез огазеяськонлэн счётаз поноз.

Ас кужмыныз корка ӝутыны малпась семья ачиз басья стройматериалъёс, кулэ луись арбериос. Таӵе дыръя анай капитал вуэ анайлэн счётаз, но вань коньдонэз огвакытэ уг келяло: нырысь лэзёзы ӝынызэ гинэ (соин ик азьлапал малпаськоно, ку басьтоды нырысетӥ но кыкетӥ люкетсэ). Кылемзэ коньдонэз, 6 толэзь ортчыса, басьтыны луоз, но со понна коркадылэн фундаментэз ке но луыны кулэ ни. Сое эскерыны вуылозы ёрос администрациысь архитектурая но лэсьтӥськонъя ёзысь ужасьёс но гожтозы акт, пуктӥськон мынэ шуыса.

Анай-атайёслы выль корказы кулэ луоз быдэс семьязэс гожтыны.

Нялтас вераса, шаерысьтымы 7 сюрслэсь уно семьяос анай капиталэн пуктӥськизы ини. Талы элькунысьтымы Пенсиосъя фонд 1,6 миллиард манетлэсь трос коньдон висъяз ни.

 

Туспуктӥз А. Горбунов

 

 

 

Удмурт Дунне
By Удмурт Дунне Июнь 15, 2017 13:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<