«Аксакшур» СПК маёвка ортчытӥз

Удмурт Дунне
By Удмурт Дунне Июнь 16, 2017 13:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Пичи Пурга ёросысь «Аксакшур» СПК-ын тулыс ужъёс быремен валче маёвка (Гыронбыдтон) ортчиз. Аксакшуръёс быдэс гуртэн лумбыт ӵоже  шулдыръяськизы, ӵошатскизы.

Юри маёвкалы шуыса колхозэн кивалтӥсь Зоя Почегова контора азбаре гур пуктытӥз.

Вазь ӵукна ик техникалэн парадэз ортчиз. Колхозысь азьветлӥсь механизаторъёс машина-тракторъёсын ортчизы. Колхоз контора азьын трактористъёсты но шофёръёсты быдэс гурт вӧен нянен но шулдыресь кырњан-веранъёсын пумитаз. Школаын дышетскись нылпиос, азьветлӥсьёсты данъяса, гурт улонлы сӥзем кылбуръёс лыдӟизы. Ужрадэз усьтыны — флагез љутыны — оскизы скал кыскисьлы Татьяна Бектугановалы но лэсьтӥськисьёс пӧлысь Валерий Батровлы. Собере сцена вылэ потӥзы егит специалистъёс — соос али, вылӥ тодон-валан басьтыса, вордӥськем гуртазы берытско. Ужрадэз нуизы егит зоотехник Арина Алексеева но инженер-механик Алексей Занчаров. «Аксакшур» СПК-ен кивалтӥсь Зоя Почегова вань калыкез бусы ужъёс йылпумъяськемен њечкылаз но азьветлӥсь колхозникъёслы синпель кузьымъёс сётъяз.

Черод маке кузьда кыстӥськиз лотереяен шудыны — одӥг билет 100 манет сылӥз. Одӥг мурт но кузьымтэк ӧз кыльы. Тужгес но шудоез луиз — кунян утӥз — Валерий Бектуганов. Кинлы ке кык рулон турын сюриз. Одӥг билет но тырттэм ӧй вал — ваньмыз маке ке но утӥз.

Собере кутскизы 7 командаос куспын вожвылъяськонъёс. Котыр ласянь шаплы луэмзэс возьматӥзы егитъёс но школаын дышетскись нылпиос.

Лумбыт ӵоже гурт калыклэсь мылкыдзэ ӝутӥзы Пичи Пурга ёросысь ик Иваново-Самарскысь «Ялыке» калык ансамбльын кырӟасьёс (кивалтӥсьсы Виктор Эркишев).

Лумбыт ӵоже гурт калыклэсь мылкыдзэ ӝутӥзы Пичи Пурга ёросысь ик Иваново-Самарскысь «Ялыке» калык ансамбльын кырӟасьёс (кивалтӥсьсы Виктор Эркишев).

Вань люкаськем калык вӧсям сӥльын шыдэн но пӧсь чаен утялтӥськиз.

— Юри маёвкалы шуыса колхозэн кивалтӥсьмы Зоя Почегова контора азбаре гур пуктытӥз, — љутскем мылкыдын верало гуртоос. — Табере татын котькыӵе ужрадъёс дыръя, али сямен ик, куноосмес пӧсь перепечен но зыретэн табанен утялтыны быгатом. Зоя Павловналы озьы ик тау карыны кулэ — туэ со колхоз конторалэн одӥгаз кабинетаз гуртлэн историезлы но «Аксакшур» СПК-лы сӥзем музей усьтӥз.

Любовь Тихонова

Удмурт Дунне
By Удмурт Дунне Июнь 16, 2017 13:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<