«Вунонтэм полк», бадӟым тудву но 6 йыруж

Удмурт Дунне
By Удмурт Дунне Май 15, 2017 10:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

ДУННЕЫН

Данэз вӧлме

«Вунонтэм полк» ужрад, Россиын сяна, ортчиз Латвиын, Канадаын, Кипрын, Литваын, Турциын, Германиын.

Отчы пыриськисьёс арысь аре йыло. Кылсярысь, туэ ульчаосы туспуктэмъёсын потӥз 8 миллион котыр адями. Кылем арын та лыдпус 1 но ӝыны миллионлы ичигес вал.

Ог 50 пичи но бадӟым  странаос та акциез арлы быдэ ас доразы радъялляло. Кылсярысь, Нидерландыын со 4-тӥ ползэ ортчиз ини, нош Израильын — 3-тӥзэ. Туэ таос борды нырысьсэ итӥськизы Босния но Герцеговина, Куба, Америкаысь 22 городъёс. «Вунонтэм полке» вань пыриськисьёслы люкылэмын вал георгиевской лентаос.

РОССИЫН

Ву шуэръяське

Тюмень улосын кышкыт югдур ялэмын тудвуэн сэрен —  Ишим шур 10 метрлы ӝутӥськемын.

Туннэ Ишим котырысь 3 но ӝыны сюрслэсь ятыр сад-бакчаос, 700 коркаос ву улэ кылемын. 140 адямиос мукет интыосы келямын.

МЧС-ын ужасьёс кусып возё Казахстанэн, угось Ишим шур кутске отысен. Казахстан та дырлы номыр ӟечсэ уг сӥзьы — отын но ву ӝутӥське.

УДМУРТИЫН

1 учыр шараяз 6 йыружез

Дэбес ёросысь 13 кивалтӥсьёс кыл кутон улэ кыскемын.

Следствиея управление ивортэмъя, черкогуртысь «Шоколад» кафелэн кивалтӥсез политехникумын дышетскисьёсты 2012-тӥ-2016-тӥ аръёсы эриктэмам. Кышкаменыз сэрен огез но полицие вазиськымтэ.

Йыртэмасез кылем арын кырмизы. Но мукет муген — черкогуртын улӥсьлэсь 500 сюрс манетсэ кышкатыса куре вылэм. Озьы та учыр юрттӥз пиосмуртлэсь вань кырсь ужъёссэ шарае поттыны.

Уголовной ужез эскерем бӧрсьы техникумлэн кивалтӥсез, солэн воштӥсез, отысь эмсузэр ужысьтызы мозмытэмын. Дэбес ёрос муниципал кылдытэтлэн администрацияз ужасьёс административной кыл кутон улэ кыскемын. Уголовной уж келямын судэ. Кафе кузё кемалы тюрьмае шедёз.

 

Удмурт Дунне
By Удмурт Дунне Май 15, 2017 10:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<