Владимир Путин данъяз Удмурт кун университетысь профессорез Валей Кельмаковез

Александр Бречалов Удмурт кун университетлэн огъя но фин-угор кылтодосъя кафедраысьтыз профессорлы тазалык, шудбур, ужаз выль азинсконъёс сӥзиз.

 19-тӥ куартолэзе Владимир Путин УдГУ-ысь профессорез Валей Кельмаковез Россия Федерациысь Президентлэн Данъян грамотаеныз пусъён сярысь указ гожтӥз. Удмуртилэн Тӧроезлэсь ужзэ быдэсъясь Александр Бречалов профессорлы ӟечкылан телеграмма лэзиз.

— Та данъян — вылӥ кивалтӥсьмылэн Тӥлесьтыд наукаез, дышетон удысэз азинтонын   уно тыршемдэс пусъён. Тӥ тодмо тодосчи, дышетон удысысь быгатӥсь адями калыкен мылысь-кыдысь ужась, улонысьтыды трос аръёс ӵоже вылӥ квалификациен ӧнерчиосты дасяськоды. Тӥляд дышетэм студентъёсты туннэ быгатыса ужало школаосын, колледжъёсын, институтъёсын, редакциосын. Асьсэлэн уженызы соос  элькунмылэсь кужымзэ юнмато, азинто, — верамын телеграммаын.

Александр Бречалов Удмурт кун университетлэн огъя но фин-угор кылтодосъя кафедраысьтыз профессорлы тазалык, шудбур, ужаз выль азинсконъёс сӥзиз.

Кыл дуннеын пуж-пуж пыласькисько

УД