Уг тырмо йод но магний

Ангелина Снигирева
By Ангелина Снигирева 30 мая, 2017 12:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Нылпи таза мед вордӥськоз шуыса анай тазалыксэ чакланы кулэ

Ижысь медициная кун академиын «Кышномуртлэн тазалыкез — вуоно нылпиослэн тазалыксы» улоскуспо конференция ортчиз. Отчы пыриськизы Москваысь, Кировысь, Пермьысь, Казаньысь, Челябинскысь кышномуртлэсь но нылпилэсь тазалыксэс эскерись врачъёс.

Кызьы секытэн нылкышноосын ужало, тодматӥз Кировысь перинатальной центрлэн кивалтӥсез Николай Семеновский. Со шуиз, улоссы бадӟым, калыксы ичи, сюресъёссы ӧвӧл, та ваньмыз люкетэ кышномуртъёсты дырыз дыръя эмюртэ вуттыны. Но отысь врачъёс та сюлмаськонэз тупатыны луонлык шедьтӥзы. Ляб кышномуртъёсты нимысьтыз эскерыса возё, 2-3 арнялы азьлапал Кировысь центре вутто. Отын огдыре эскериськыны луонлык кылдытэмын 500 пала адямилы.

Перинатальной центрын ужа бадӟым тодон-валанэн врач. Ёросъёсысь акушер-гинекологъёс, муг кылдэ ке, Кировысь перинатальной центрысь врачъёслы, визь-нод курыса, вазиськыны быгато уй-нунал ӵоже. Та ваньмыз нылпилэсь но анайлэсь тазалыксэс но улонзэс утьыны юрттэ.

Ижысь медицина наукаосъя доктор, акушер-гинеколог Фаина Тетелютина вераз, кыӵе тазалыксы нылпи вайыны дасяськись нылкышноослэн. Со пусйиз, кышномуртъёслэн мугоразы уг тырмы йод. Со шӧдӥське вордӥськись нылпиослэн визьзы вылын. Озьы ик 82 процентэзлэн нылкышноослэн магний веществозы ӧжыт. Нош солэн тырмымтэез сюлэм но сэр висёнъёслы кутскон сётэ.

Ангелина Снигирёва

Ангелина Снигирева
By Ангелина Снигирева 30 мая, 2017 12:10 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<