Удмуртие вуиз «Мир» карта

Удмурт Дунне
By Удмурт Дунне Май 2, 2017 10:03

Елена Сосновскаялы сётэмын ини «Мир» карта.

«Мир» карталэсь логотипсэ но нимзэ малпаз Удмурт Республикая кыл кутытонъя пресс-службаын ужась Елена Сосновская. Солы ик сётэмын ини та карта.

2015-тӥ арын ялэмын вал Россиын улӥсьёс пӧлын национальной тыриськон карталэсь логотипсэ но нимзэ малпанъя конкурс. Отчы ӵектэмын вал 5 сюрс 500-лэсь ятыр ужъёс, соос пӧлысь быръемын 20 устоосыз. Бӧрысь таосыз понна куара сётон мынӥз Интернетын. Озьы устоеныз калык лыдъяз шаерысьтымы Елена Сосновскаялэсь ужзэ.

Ачиз Елена верамъя, карталы «Мир» ним но логотип шуак-дуак лыктӥз, ужан висказ гинэ сое суредаз но конкурсэ келяз.

Картаез нылмуртлы сётӥз Удмурт Республикая Сбербанклэн кивалтӥсез Сергей Коновалов.

Сое лэсьтонлэн кулэлыкез кылдӥз Россиысь банкъёслы США-ен санкциос пуктэм бере, куке шугъяськонъёс вал Visa но Mastercard картаосын.

Удмуртие ӝоген вуозы ни 50 сюрс таӵе картаос. Туэ июльысен соосты сётъяны кутскозы бюджет удысын ужасьёслы.

Ангелина Снигирёва

Туспуктэм: 18.fsin.su

Удмурт Дунне
By Удмурт Дунне Май 2, 2017 10:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<