Удмурт Правительство Балезино ёросэз азинтонъя карта дасяз

Удмурт Дунне
By Удмурт Дунне Май 25, 2017 12:41
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

10  министерствоос но ведомствоос со бордын 2 арня тыршизы. Шуг-секытъёсты тодон понна трос пол гуртоосын пумиськылӥзы. 

Районлэсь улэмзэ кивалтӥсьёс син азязы сак возё.

22-тӥ апреле Тӧролэсь ужзэ быдэсъясь Александр Бречалов Балезино каргуртэ вуылӥз. Ас синмыныз адӟиз ёрослэсь улэм-вылэмзэ, секыт ужпумъёссэ. Та бӧрсьы  вазиськиз министерствоослы, карта дасяны курыса. Соку ик шарае потӥзы одно ик туэ быдэстоно ужъёс. Та пумысен 10-тӥ мае кивалтӥсьёс бадӟым кенешон ортчытӥзы.

— Специалистъёсмы ёросысь улон-вылонын юрттэт сётонъя объектъёсты, сюрес лэсьтонъя хозяйствоез, коркаосы ву вуттонэз эскеризы. Вуэн югдур Балезиноын секыт. Та герӟаськемын Чупчи шурлэн лазег кылеменыз, чылкытатонъя сооружениослэн ларгаменызы, — ивортӥз нюлэс хозяйствоя министрлэсь ужзэ быдэсъясь Сергей Журавлёв.

Районлэсь улэмзэ кивалтӥсьёс син азязы сак возё. Каргуртын но Кестым, Кожиль гуртъёсын вуэн югдурез радъян пумысен план дасямын. Балезиноысь чугун сюрес станциын электроезъёсын токлэн шудэмез палэнтэмын. Миктапи черкогуртысь ву башняез али тупатъяло, ужъёс 1-тӥ июньлы йылпумъямын луозы. Нош Такапи гуртын улӥсьёс ганяк шокчизы ини — коркаосазы ву вуыны кутскиз. Шумпотон вите Балезино каргуртысь трос квартираем коркаын улӥсьёсты но. Юртэз рос-прос тупатонъя документъёс дасесь ини, 1-тӥ сентябрёзь та ужъёс йылаз-пумаз вуттэмын луозы. Ар йылпумъяськытозь, быдэстоно на эшшо огзэ ужпумез — ёрос центрысен Такапи гуртозь сюресэз югдытоно.

Балезиное вуылыкуз, А. Бречаловлы тросэз вазиськылӥзы, каргуртын тазалыкез утён удыс лябӟе шуыса. Интыосысь ФАП-ёс ворсаськемен, улӥсьёс фельдшеръёстэк кылизы. Александр Владимирович оскытӥз, та югдурез сэрттоз-пертчоз шуыса. «Лесобаза» микрорайонэ вуылэ ини передвижной ФАП. Сӥзьылпал  фельдшер-акушер пункт усьтӥськоз «Девиз» микрорайонын. Ёрос больница котырын машинаослы сылон инты, остановка лэсьтэмын луоз.

Тужгес бадӟым ужъёс, кылсярысь, Чупчи шурлэсь ӧрзэ чылкытатон, Балезиное нуись путепроводэз тупатон, туэ быдэстэмын уз на луэ. Соос выжтэмын вуоно арлы.

Правительстволэн тыршемезлы А. Бречалов оглом ӟеч дунъет сётӥз. Карта дась, озьыен, саесъёсмес пужалляса ик ужаны кутскомы, шуиз со.

УД

Удмурт Дунне
By Удмурт Дунне Май 25, 2017 12:41
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<