Тамаклэсь куштӥськыны юртто… школаос

Ангелина Снигирева
By Ангелина Снигирева 30 мая, 2017 11:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

31-тӥ май быдэс дуннеын тамактэк улон нуналэн ялэмын. Со азьын Удмуртиысь Тазалыкез утёнъя министерствоысь врачъёс валэктӥзы, кызьы та урод сямлэсь куштӥськоно.

Россиын 33 процентэз калык тамак кыске. Соос пӧлын 60 процент воргоронъёс, 23 процент нылкышноос, кылемез — быдэ вуымтэос.

Онкодиспансерысь профилактикая ёзэн кивалтӥсь Татьяна Станкевич пусъе: тамак кыскисьёслэн шокан ёзвиоссы котыре ӵемгес кырмисько лек пыктос, сюлэм но сэр висёнъёс. Кӧт пушказы гастрит, язва но мукет висёнъёс кылдо. Кема аръёсы тамакен эшъяськись муртлэн лыосыз лябӟо, со чутыны кутске. Тамакасьёслэн вылтуссы но шӧдскымон воштӥське: кузы пурысь луэ, ымныр котырзэс мур кисыриос басьто.

Та урод сямлэсь куштӥськон адямилэн мылкыдыз бордысь гинэ потэ. Асьсэ кужымен тамаклэсь палэнскыны курадӟисьлы куд-ог больницаосын нимысьтыз школаос усьтэмын. Кылсярысь, соос вань Ижысь медицинской профилактикая элькун центрын, наркологияя элькун диспансерын. Отын тамаклэсь куштӥськыны мылкыд карисьёсын нимысьтыз ужало наркологъёс, психотерапевтъёс. Со сяна, сыӵе кабинетъёс усьтэмын Нырысетӥ элькун больницаын, Ижысь 9-тӥ, 3-тӥ, 6-тӥ больницаосын, Алнаш, Вавож, Эгра, Кез, Кияса, Пичи Пурга, Дэри ёрос больницаосын. 2016-тӥ арын сыӵе школаос пыр потӥз 1 сюрс 239 адями.

Ангелина Снигирёва

Ангелина Снигирева
By Ангелина Снигирева 30 мая, 2017 11:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<