Тӥялэ йырдэс «Шудком» шудонысь юанъёс бордын

Удмурт Дунне
By Удмурт Дунне 11 мая, 2017 12:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижын толэзьлы быдэ мылкыд карисьёс люкаськыло «Шудком» шудонэ. Сое радъя егитъёслэн «Шунды  огазеяськонзы Йӧскалык политикая министерстволэн юрттэмезъя. Тӥледлы но, гажано лыдӟисьёс, дэмласькомы визьдэс сынаны. Вань валэктонъёс сётэмын мукет материалын. Сое шедьтыны быгатоды йыртӥян пумын. 

1-тӥ юан

ТА АРБЕРИОС нырысь-валысь кемалы уг чидало вал – парсь пигонлэсь лэсьтэм дунтэмъёсыз но, нарды гонлэсь лэсьтэм дуноосыз но. Собере СОЕ синтетика нюжаослэсь (волокно) лэсьтыны кутскизы, малы ке шуоно таосыз кемалыгес чидало но, ӝоггес куасьмо но, бактериослы вӧлмыны но уг сёто вал.

Вералэ со АРБЕРИОСТЫ.

2-тӥ юан

Киын лэсьтэм шудонъёсъя адӟытонын тылпу кысӥсьёслэн машиназы возьматэмын вал. Паймымон ке но, та машиналэн тубатэз СООСЛЭСЬ лэсьтэмын вал. Вералэ СООСТЫ.

3-тӥ юан

Шота Иоташвили кылбурчи гожтэ, чылкак буш комнатаын но СОЛЭСЬ учкемзэ шӧдыны луэ шуыса. Нош СОЛЭН пеймыт мур синъёсаз, пе, трос тылыз вань. Вералэ СОЕ.

4-тӥ юан

СОЕ лэсьтон понна Тибетын улӥсьёс горд сюй чашкаез, яклэсь кӧйзэ но гонзэ уже куто. Вералэ СОЕ одӥг кылын.

5-тӥ юан (шахмат)

Тӥ азьын – Шотландиысь МакФарлан выжылэн калык дӥськутэзлэн суредэз. 1985-тӥ арын Дональд МакФарлан тодмо индиецез вормиз. Вералэ СО ИНДИЕЦЕЗ.

6-тӥ юан

19-тӥ даурлэн кыкетӥ палараз велосипедъёслэн азь поглянзы бадӟым но трос спицаё вал. Кыӵе улэп макелэсь нимзэ нуллӥзы таӵе велосипедъёс?

7-тӥ юан

Гурт улосвылъёсын ӵем гинэ СО вӧзысь секыт кирпичъёсын тырмытэм пуйыез адӟыны луэ. Удмуртиын СО нырысьсэ кылдӥз Сарапулын 1910-тӥ арын Павел Башенинлы луыса. Вералэ СОЕ.

8-тӥ юан

«Приключения капитана Врунгеля» книгалэн оглюкетаз «Беда» яхта вылэ крокодилъёс омырско, малы ке шуоно команда кылем дугдылонниязы, СООСТЫ сьӧразы кутыса, янгышаз. Вералэ СООСТЫ.

9-тӥ юан

Та прибор тужгес но умой Индонезиын яке Конгоын ужа. Ӧжытак уродгес — Египетын но Уругвайын. Нош Исландиын та приборен ужаны нимаз дасяськытэк уг луы. Вералэ со приборез.

10-тӥ юан

Сиськыку ӝӧк вылэ пуктоно 12 муртлы тырмись сервизъёсты Возрождение вакытэ лэсьтылыны кутскизы. Вералэ та сямез кылдытыны юрттэм суредэз.

11-тӥ юан

Африкаысь Акан нимо племяын пи вордӥське ке, солы 7 традиционной ним пӧлысь огзэ сёто. Со нимез анай-атайёс бырйыны уг быгато. Кылсярысь, та племяысь потэм Кофи Аннанаез, ООН-лэсь азьвыл кивалтӥсьсэ, тодмо литературной геройлэн тёзкаез шуыны луоз.

12-тӥ юан

Революцие кыл вылын гинэ пыриськись муртъёсты Мао Цзэдун редиска шуэ вал. Нош Гонконгын Европаысь сямъёсты чаклась китаецъёсты та емышен ӵошато. Вералэ со емышез.

13-тӥ юан

СО адямилэн вашкала ӵыжы-выжыезлэсь трос пӧртэм ядовитой но кышкыт нымы-кибыё тропикъёсын улэмез сярысь вера. Пусйиське на, адями асэныз ачиз СОЕ карыны уг быгаты шуыса. Мар СО?

14-тӥ юан

Луо вылын алфавитысь вань букваос гожтэмын. Кыӵе буква улын клад ватэмын?

15-тӥ юан

19-тӥ даурлэн пумаз СОЕ уже кутон понна Казаньын 330 вал возизы. Валъёсты 1900-тӥ арын одӥг мазутной электростанция воштӥз. Вералэ СОЕ одӥг кылын.

16-тӥ юан

19-тӥ дауре трос дӥськут вурыны кутскемен йырин СООС кылдӥзы. Вузэз кузь сюрес вылэ лэзён азьын куасалляло но, туж юн пачкатыса, пуйые тыро вылэм. Вералэ СООСЫЗ.

17-тӥ юан

Пудо-животлэн аллергиезлы муг нырысь ик нымы-кибы луэ, собере – урод сиён, нош витетӥ интыын — СО. Вералэ СОЕ.

18-тӥ юан

Та дворянской выжылэн кунпус вылысьтыз слонэн щитэз но «Фортуна жизнь мою изменила необыкновенно» кылъёсты адӟыны луэ. Вералэ та дворянской выжыысь тужгес но тодмо адямилэсь нимзэ но атай нимзэ (отчествозэ).

19-тӥ юан

18-тӥ дауре британской флотын кулэм муртэз ватон азьын шӧез парусинае вурӟо вал. Берпуметӥ вурысэз кулэм муртлэн ныртӥз поттылӥзы. Англичанъёс озьы СОИН нюръясько вал. Маин СОИН?

20-тӥ юан

Паймымон ке но, СОЛЭН улонэз шудтэм вал: Петрической улосвылысь Крынджилица черкогуртысь Димитр Гуштеров нимо кузпалыз курытсэ юэменыз йырин 1962-тӥ арын кулӥз, нош ачиз СО, элькунлэн дано муртъёсызлы дэмланъёс сётъяса, 30 арлэсь кемагес улӥз на. Вералэ, кин СО.

21-тӥ юан

1953-тӥ арын, Лаврентий Берияез пытсэт сьӧры пуктэмзы бере, Бадӟым Советской Энциклопедиысь 2 млн квадратной иськем быдӟа географической ОБЪЕКТЛЫ сӥзем статья кӧня ке поллы будӥз. Вералэ СО ОБЪЕКТЭЗ.

22-тӥ юан

Тулыс праздникъёслы сӥзем вотэс бамын аспӧртэмлыко кышноослы СОЕ дэмлало, малы ке шуоно СО вылэ быдэс суред лэсьтыны луэ. СОЕ ӝӧк вылэ пуктон азьын быдэс час дасяно луоз. Вералэ СОЕ.

23-тӥ юан

Одӥг туж ик осконтэм веранъя, та мифологической персонажъёслэн нимзы шор дауръёсы Лымшор Кавказысь кылыкъёслэн Волга но Кам кузя ветлэмзылы луыса кылдӥз. Вералэ со персонажъёсты.

24-тӥ юан

2 полэс юан

Эстон йӧскалык музейлэн «Эхо Урала» нимаськись адӟытонэз 4 залын интыяськемын.

А) Кыӵе калык сям-йылолэз адӟыны луэ гужем нуналэз возьматӥсь залын?

Б) Кыӵе калык сям-йылолэз адӟыны луэ тол уез возьматӥсь залын?

25-тӥ юан

Москваысь одӥг интернет-пользователь гожтэ, быдэс улонзэ ТА КЫЛ, пе, фирма-изготовительлэн нимыз шуыса малпа вылэм, нош мукетыз – ТА аспӧртэмлыко писпу выжы шуыса малпа вылэм. Кыӵе географической инты сярысь вераськизы Интернетын пукисьёс?

26-тӥ юан

1920-тӥ аръёс пумын удмурт географъёслы таӵе уж сётэмын вал: «Сьӧд» нимо но мукет пичигес шуръёсты радэн-радэн гожтоно. Кыӵе ваньбурез та гожтэм радъя утчаны малпало вал?

27-тӥ юан

Удмурт кылын ТА сярысь таӵе мадиськон вань: «Юбо йылын вӧё мильым». Француз корольлы Людовик XIV-лы СОЛЫ луыса выль мода кылдытоно луиз. Вералэ СОЕ.

Туспуктэм: vk.com/shudcom

Сётӥськом «Шудком» юанъёслы валэктонъёс

Удмурт Дунне
By Удмурт Дунне 11 мая, 2017 12:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<