Профессор Александр Шутов лыдӟоз удмурт кылъя лекция

Удмурт Дунне
By Удмурт Дунне 23 мая, 2017 15:20

Александр Фёдорович 1979-тӥ арысен ужаз Удмурт кун университетын.

26-тӥ куартолэзе Йӧскалык библиотекаын (Удмуртской урам, 264) филология наукаосъя доктор Александр Шутов удмурт кыллэн синтаксисэз сярысь лекция лыдӟоз.

Александр Фёдорович 1979-тӥ арысен ужаз Удмурт кун университетын. 2002-тӥ арын, «Пути развития гипотактических отношений в удмуртском языке» диссертацизэ гожтыса, наукаосъя доктор нимез басьтӥз. 2010-тӥ арозь кивалтӥз удмурт кылъя, сое дышетон амалъёсъя кафедраен. Удмурт наукаын огез бадӟым кылчи луэ.

Трос аръёс ӵоже Александр Фёдорович эскериз удмурт кылэз, синтаксисэн выриз. Лекцизэ но со аслыз матын темадлы сӥзёз, удмурт предложениын кылрадлыклэн сураськемез, выль правилоосъя сярысь малпанзэ вералоз. Университетын кылчи уг ужа ни ке но, эскерон ужлэсь уг палэнтӥськы, статьяосыныз книга поттыны дасяське. Та ӝытэ вань мылкыд карисьёс быгатозы солы удмурт кыл пумысен юанъёссэс сётыны.

Туэ Александр Фёдоровичлэн юбилеез вал, солы тырмиз 70 арес. Вуоно тодосчи вордӥськиз 18-тӥ куартолэзе Можга ёросысь Бадӟым Сибы гуртын.

Пумиськонэз радъя «Удмуртлык» огин.

УД

Туспуктэм: vk.com/udmort

Удмурт Дунне
By Удмурт Дунне 23 мая, 2017 15:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<