Ожгарчиос берытско доразы

Удмурт Дунне
By Удмурт Дунне 15 мая, 2017 14:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртиысь поисковикъёс берытскизы экспедициысь. Со сярысь ивортӥз Кун Кенешын ортчем Буре ваён урокын «Долг» огазеяськонлэн тӧроезлэн воштӥсез Наталья Суетина.

Удмуртиысь утчаськисьёс туэ Ленинград улосысь перезахоронениосы пыриськизы, нош кӧняез ке егитъёс ветлӥзы Ижысь Уйпал шайвылэ.

— Удмуртиысь кӧня ке поисковой отрядъёс огвакытэ пӧртэм интыосын ужазы, тросэзгес бугыръязы Ленинград котырысь музъемез, — вераз Наталья Михайловна. — Шумпотымон: шедьтэмын солдатлэн лысьӧмъёсыз но медальонэз, озьы валаны луиз, кин вылэм со бырем солдат. Со нуналэ ик, военкоматъёс но газет-журналъёс юрттэмен, сюризы солэн ӵыжы-выжыосыз. Ожгарчи Курск улосысь войнае кошкем вылэм, нош солэн выжы-кумыосыз али Белгород улосын, Белоруссиын но Украинаын уло, соос туж шумпотӥзы та иворлы. Озьы ик утчаськонъёс дыръя ӝутэмын вал мукет медальонъёс но лысьӧмъёс, соосты эскерон азьланьтӥськоз ни Удмуртиын.

Нялтас вераса, арлы быдэ Вормон Нунал котырын поисковикъёс шедьтэм лысьӧмъёсты вато. Удмуртиысь утчаськисьёс туэ Ленинград улосысь перезахоронениосы пыриськизы, нош кӧняез ке егитъёс ветлӥзы Ижысь Уйпал шайвылэ. 4-тӥ мае отчы ватӥзы 2 бырем ожгарчиослэсь лысьӧмъёссэс, кыкназы но соос Удмуртиысь вылӥллям. Кылем гужем огзэ шедьтӥзы Псков улосысь поисковикъёс, мукетсэ — Краснодар улосысь.

Елена Рябина

Туспуктэм: vk.com

Удмурт Дунне
By Удмурт Дунне 15 мая, 2017 14:10