«Выжы-выжы-выжыкыл» фестивальын возьматӥзы 35 спектакль

Удмурт Дунне
By Удмурт Дунне Май 29, 2017 15:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижысь Эшъяськон юртэ люкаськизы ёрос центръёсысь но городъёсысь удмурт кылэз дышетӥсь нылпи садъёс. Пичиос шаерамы улӥсь калыкъёслэн выжыкылъёссыя сценкаос дасязы, ваньзэ удмурт кылын веразы. 3-тӥ арзэ таӵе ужрадэз ортчытэ «Удмурт нылкышно кенеш».

«Ӟичы но атас» выжыкылэнызы Ижысь 106-тӥ нылпи сад

Но элькун сцена вылэ сюремлэсь азьло пичиос актёр луэмзэс возьматӥзы фестивальлэн ёросъёсын но городъёсын ортчем этапъёсаз. Оглом возьматэмын вал 35 выжыкыл, финалэ сюризы 9-эз устоез. Пичиос «Сяртчы», «Тэльын толъён», «Кытын улэ шуд», «Ӟичы но атас» но мукет выжыкылъёсъя сценкаос возьматӥзы, кырӟазы, эктӥзы.

Кызьы пусйиз «Удмурт нылкышно кенешлэн» кивалтӥсез Надежда Степанова фестивале пыриськем нылпиос удмурт кылын уг верасько. Но сцена вылысен адӟиськиз, кылэз дышетон соослы капчиен сётӥське, верасько чылкыт но чебер. Фестивале пыриськем куд-огез нылпи садъёс юромо та ужрадлы гинэ шуыса удмурт выжыкыл дасязы, нылпи садазы удмурт кылэз нимысьтыз дышетытэк.

Надежда Андреевна верамъя, фестивальын чузъяськем выжыкылъёсъя нимысьтыз бичет поттыны чакламын. Сое ужазы кутыны мед быгатозы мукет нылпи садъёсын но.

«Устоез выжыкыл» номинациын устоосыз — Ижысь 100-тӥ, 266-тӥ, 106-тӥ, Воткинскысь 44-тӥ но Пичи Пургаысь «Италмас» нылпи садъёс. 16 пичиос «Устоез рользэ шудӥсь» нимын дунъямын. Туэ нырысьсэ 3 выль кылдытэм номинациосын пусъемын визьнодасьёслэн тыршемзы.

Ижысь 195-тӥ нылпи сад «Устоез сценарий» номинациын вормиз.

Адӟем карымонэсь луизы Ижысь 135-тӥ но 269-тӥ нылпи садъёс, соос «Устоез режиссура» но «Устоез берыктэм выжыкыл» номинациосъя дунъямын.

Ужрадэ ваньмыз пыриськем нылпи садъёс син-пель кузьымъёсын, таукаронъёсын ӟечкыламын вал.

Фестивальлэн ортчемез сярысь пыр-почгес лыдӟоды вуоно арняе потоно «Герд» газетысь.

Удмурт Дунне
By Удмурт Дунне Май 29, 2017 15:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<