Нырысетӥез

Ангелина Снигирева
By Ангелина Снигирева 30 мая, 2017 10:21
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гурт удысъя но сиён-юонъя министрлэсь ужзэ быдэсъясь Александр Прохоров, «УралИжТрак» заводлы кутскон сётыса, нырысетӥ из понэ

Дэри ёросысь Вотка тракт но объездной сюресэ кожон вожын ӝужалоз «УралИжТрак» трактор лэсьтонъя завод. 19-тӥ мае солы кутскон сётыса, шаерысьтымы вылӥ кивалтӥсьёс нырысетӥ из понӥзы.

Пичи, капчи, кӧня ке ужез огдыре быдэсъяны быгатӥсь тракторез адӟыны луоз ни туэ Бусылэн нуналаз 23-тӥ июне, возьматон радъямын луоз Вотка ёросысь «Мир» хозяйствоын. Туннэ сое бичаны кутскемын Ижысь огаз арендае басьтэм заводын. Но тракторлы аслыз завод кулэ. Солы шаерамы осконъёссы бадӟымесь. Гурт удысъя но сиён-юонъя министр Александр Прохоров верамъя, туннэ шаерамы гинэ 3,5 сюрс сыӵе техникалы кулэяськись вань. Со трактор уго хозяйствоослы гинэ юрттэт уз сёты – мувӧй поттонэн, пуэн, сюрес лэсьтонэн вырись предприятиослэсь но ужзэс капчиятоз. Трактор борды уго 200 пумо агрегат юнматыны но ужаны луоз. Уката ик Россиын туннэ 2-тӥ-3-тӥ классъем сыӵе тракторъёс уг потто. Озьыен, Удмуртиысь завод луоз нырысетӥез.

Туэ ар пумозь чакламын 400 трактор бичаны. 2018-тӥ арын — 1500, 2019-ын — 4 сюрс трактор. Шоро-куспо дуныз 2,6 миллион манетозь вуоз, шуо. Нырысетӥ бичам тракторъёсты эскерон вылысь шаерысьтымы куд-ог хозяйствоосы келялозы.

Из поныкузы, Александр Прохоров шуиз: заводлы татын инты! Озьы завод 25 сюрс гектар музъем вылэ ӝужалоз, татын 4 сюрс адямилы уж кылдоз.

Елена Сараматова

Туспуктэм басьтэмын Гурт удысъя но сиён-юонъя министерстволэн сайтысьтыз
Ангелина Снигирева
By Ангелина Снигирева 30 мая, 2017 10:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<