Муниципал кылдытэтлэсь йырзэ депутатъёс пӧлысь гинэ уз быръе

Удмурт Дунне
By Удмурт Дунне Май 4, 2017 12:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Муниципал кылдытэтлэсь йырзэ табере бырйыны луоз депутатъёс пӧлы шедьымтэ муртъёс пӧлысь но. Таӵе закон юнматӥзы Кун Кенешысь депутатъёс.

«Удмуртиысь аскивалтонъёс ёзъёс сярысь» законэ воштонъёсты дасяз парламентысь Кунэз радъянъя но интыысь аскивалтонъя ялан ужась комиссия. Солэн кивалтӥсез Наталья Кузнецова вераз: законэ воштон пыртӥське кандидатъёс  пӧлы интыосысь нимо-дано, тодмо адямиосты но пыртыны мед луоз шуыса. Соос одно депутат луыны кулэ ӧвӧл.

Россиысь законодательствоя улосъёс асьсэос чакланы быгато, кызьы соос быръёзы Депутат Кенешъёслэсь, город Думаослэсь йыръёссэс. Но ӵектӥське 3 амал: депутатъёс пӧлысь, нимысьтыз комиссиен дэмлам муртъёс пӧлысь но меӵак куара сётыса.

Удмуртиын татчыозь кутӥськиз нырысетӥез гинэ амал — йырез бырйылӥзы депутатъёс пӧлысь. Табере  ватсаськиз на 2-тӥез амал.

— 3-тӥ амалэз, куке калык быръе йырез, комиссиямыз озьы ик эскерим вал, — вераз Наталья Кузнецова. — Но огкылысь кариським: сое ортчытонлы трос коньдон кулэ. Юалляським, артэ улосъёсын кызьы быръёнъёссэс ортчыто шуыса — 3-тӥ амалэз огаз но уг куто, куд-огаз законэн лэземын ке но.

Элина Кумачёва

Туспуктӥз А. Горбунов

Удмурт Дунне
By Удмурт Дунне Май 4, 2017 12:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<