Мультфест: Зэм-а чукча сюдэ нумыръёсыз?

Удмурт Дунне
By Удмурт Дунне 25 мая, 2017 17:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Нимысьтыз фин-угор анимацилы сӥзем фестиваль ортчытӥз «Лудорвай» музей. Татчы вуылӥзы Эстониысь но Коми шаерысь тунсыко куноос, тодматӥзы асьсэ ужъёсынызы.

Вуоно арын фин-угор анимацилы сӥзем фестиваль азьланьтӥськоз.

Фестивалез усьтӥз «Лудорвай» музейлэн кивалтӥсез Татьяна Шкляева. Солэн верамезъя, таӵе ужрад сярысь малпанэз кылдӥз Тартуысь йӧскалык музее вуылэмез бере. Бурдъяз сое та музейын ик ужась удмурт кышномурт Светлана Карм.

Светлана ачиз но вуиз фестивале, тодматӥз эстон музейлэн проектэныз, кудӥз лӧпкытӥз асьмелэнъёсты фин-угор анимациез вӧлмытон борды басьтӥськыны. Кемалась ӧвӧл Тартуын Йӧскалык музейлэн бадӟым выль юртэз усьтӥськиз. Нимысьтыз фин-угор экспозицилы шуыса музей дасяз «Эхо Урала» проект: мультипликаторъёсын валче кылдытӥз фин-угор калыкъёслэн выжыкылъёссыя анимационной фильмъёс. Табере музее лыктэм мурт, кыӵе ке фин-угор калыклы сӥзем экспозициен тодматскыкуз, одно ик учкоз фольклор легендая вакчи фильм. Тӥни озьы комиослэн, поръёслэн, вепсъёслэн но Россиын улӥсь мукет фин-угор калыкъёслэн выжыкылъёссыя но легендаоссыя эстон музейщикъёс 9 анимационной фильм дасязы.

Комиослэн, поръёслэн, вепсъёслэн но Россиын улӥсь мукет фин-угор калыкъёслэн выжыкылъёссыя но легендаоссыя эстон музейщикъёс 9 анимационной фильм дасязы.

Россиысь фин-угор музейёс но басьтӥськизы экспозициоссы понна нимысьтыз мультфильмъёс кылдытон борды. Та сярысь ик мадиз Коми Элькунысь Йӧскалык музейысь Светлана Бандура. Та музей 2012-тӥ арысен рос-прос ужа коми калыклэн ӧнеръёсызлы сӥзем мультфильмъёс бордын.

Фестивальлэн тужгес но тунсыко люкетэз вал быдэс дуннелы тодмо луэм эстон мультипликаторен Прийт Тендерен тодматскон. П. Тендер тунсыкъяське Сибырын улӥсь выжы калыкъёсын но соослэн выжыкылъёсынызы. Европаын вордӥськем муртэз вашкала сюжетъёс паймыто но абдрато, соин эшшо но золгес бордазы кыско. П. Тендер вераз, чукчаослэн нумыръёсыз сюдӥсь адями сярысь мифсыя анимационной фильм кылдытэмез бере со юри ветлэм чукчаос дӥне фильмзэ возьматыны, соослэн улэм-вылэменызы тодматскем. П. Тендерлэн верамезъя, чукчаослы ужез кельшем, озьыен, эстон мультипликатор вашкала калыклэсь дунне шоры учконзэ возьматыны быгатэм.

Фестивале пыриськемъёс.

Фестивальлэн кыкетӥ люкетэз конкурсэ ыстэм ужъёслы сӥземын вал. 30-лэсь ятыр фильмъёсты учкиз жюри. Вормисьёс пӧлын — егит  удмурт мультипликаторлэн Сергей Сидоровлэн «Мурӝол Undergraund-Udmurt Kach Ach Ach» анимационной клипез. Жаль, фестивальын калыкез трос ӧй вал. Фестивалез радъясьёс шуизы, гужем куспын пӧртэм ужрадъёс дыръя возьматыны тыршозы та мультфильмъёсты. Вуоно арын фин-угор анимацилы сӥзем фестиваль азьланьтӥськоз.

Лариса Дмитриева

Туспуктэм: vk.com («Лудорвай»)

Удмурт Дунне
By Удмурт Дунне 25 мая, 2017 17:51