Кисыя ум улӥське

Удмурт Дунне
By Удмурт Дунне Май 31, 2017 09:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Малы Удмуртиын сюрес лэсьтон дуно усе, эскероз ачиз А. Бречалов

Удмуртиен кивалтыны вуэмез бере Александр Бречалов ужзэ мытӥз эскеронъёс бордысен. Кызьы озьы луиз — долгъёс огъя доходъёс мында люкамын? Вань-а кыӵе ке амалъёс пунэмъёсысь потыны? Та пумысен со пумиськылӥз Россиысь коньдон ужпумъёсъя министрен Антон Силуановен.

Чиновникъёс мултэс
Со бӧрсьы Иже Москваысь экспертъёс келямын вал. Соослэн ужамзылы куд-ог йылпумъянъёс лэсьтыны луэ ни, вераз понедельнике Резиденциын ортчем аппарат кенешын Александр Бречалов. Та пумысен ивор лэсьтытӥз Удмуртиысь коньдон ужпумъёсъя министрлэсь ужзэ быдэсъясез Станислав Евдокимовез.
Станислав Петрович вераз: Россиысь Минфин эскериз элькунысьтымы 13 валтӥсь министерствоосты но ведомствоосты, али лэсьтэмын ай нырысетӥ йылпумъянъёс гинэ, но федерал центр пусйиз 4 бадӟым тырмымтэосты. Нырысетӥез — республикаын кылдытэмын укыр трос кивалтон ёзъёс (1 сюрс адямилы лыдъяса Приволжск федерал округын чиновникъёслэн лыдзы тужгес трос Удмуртиын), огвыллем ужъёсты быдэсъясь учреждениос. Соосты возьыны бюджетысь данак коньдон кошке, нош пайдаез ӧжыт.
Кыкетӥез. Экспертъёс малпамъя, выльысен учкыны кулэ социальной пособиосты, соосты басьтыны кулэ зэмен но кулэяськисьёс гинэ, али со сётӥське ваньмызлы, кин пыре кыӵе ке категорие.
Куинетӥез. Элькун уг сюлмаськы ватсаса табыш поттон сярысь. Кылсярысь, та ласянь шаерамы трос «вунэтэм» объектъёс, музъемъёс, куд-огез пусъемын но ӧвӧл, мукетъёсыз кадастръя туж пичи дунъямын. Ижын гинэ 209 сыӵе объект шараямын, пӧлысьтызы тросэз — вуз карон центръёс, соос ужало, табыш потто, нош выт уг тыро!
Со сяна, бюджетысь коньдон тус-тас кутӥське, тужгес но сюрес хозяйствоын, лэсьтӥськонын, субсидиос висъянын. Кылсярысь, али шаерамы 700 йылпумъямтэ объект, отын лэсьтӥськон ӝыныё аналтэмын.
— Эскерон йылаз-пумаз вуэм бере отчёт вуттэмын луоз Россиысь Правительствое, Лыдъян палатае, оло нош, Генпрокуратурае но, — шуиз А. Бречалов. — Но со кышкатъян вылысь ӧвӧл, мынам туж потэ, ас интыяз котькуд кивалтӥсь мед сюлмаськоз коньдонэз валаса кутон но ватсаса табыш поттон сярысь. Коньдонэн югдурез тупатон, тазатон вылысь ми ӝегатскытэк ужпумъёс кутыны кулэ.
Укыр дуно сюрес
Тӧролэсь ужзэ быдэсъясь олокӧня пол паймемзэ вераз ни, кызьы 6 миллиард манетлы луэ сюрес вылысь гопъёсты тупатъяны, 100 миллионъёс быдтыны разметка суреданлы, нош со ӵуказеяз ик гылтӥське. Нош щебень, пе, Удмуртиын кадь дуно нокытын ӧвӧл…
— Сюрес лэсьтӥсьёслы юанъёс туж трос, соин ик та удысэз мон нимысьтыз син азям возё, — шуиз кивалтӥсь. — Тая нимысьтыз ужась группа кылдытэмын ни.
— Соин кивалтоз Тӧролэн советникез Ярослав Семенов. Со сяна, отчы пырозы мукетыз советникез Константин Костогладов, Удмуртиысь транспортъя но сюрес хозяйствоя министрлэсь ужзэ быдэсъясь Алексей Горбачев, коньдон ужпумъёсъя министрлэсь ужзэ быдэсъясь Станислав Евдокимов но Сергей Лукин — сое А. Бречалов «Удмуртавтодор» огазеяськонлэн директоръёссылэн кенешсылы генеральной директоре бырйыны ӵектэ. Со сяна, ӧтемын Россиысь Транспортъя министерствоысь но Лыдъян палатаысь специалистъёс.
— Малы ми ужамы кыскиськом «секыт артиллериез»? Малы ке шуоно берло аръёс ӵоже 10 миллиард манетлы сюрес лэсьтонъя контрактъёс кутэмын! — шуэ А. Бречалов. — Со дыре ик отысь коть кыӵе ке люкетсэ шыръяны луэ вал. Но асьмелэн торгъёсы пыриське 1-2 компания, азьло ик тодмо ни, кин утоз контрактэз… Быдэс кунъя Удмуртиын тужгес пичи экономия — 0,15 процент гинэ! Со дыре ик алигес гинэ Ижын, закупкаосты шонер радъяса, одӥг контрактысь 30 процентсэ шыръяны луиз — манетэн вераса, со 170 миллион манет! Кинлы ке со трос уг поты, нош мон верало: со уксёен ватсаса эшшо одӥг сюрес тупатыны луэ.
Александр Бречалов куриз общественникъёсты но шаплыгес кариськыны, сюрес лэсьтонысь тырмымтэосты палэнтыны ваньмылы дэмен басьтӥськоно, шуиз со.

Зинаида Кириллова

Туспуктэмез А. Горбуновлэн

Удмурт Дунне
By Удмурт Дунне Май 31, 2017 09:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<