Фестивальын веръяны луоз уйпал удмуртъёслэсь сиён-юонъёссэс — сюкасез, варсез, сиыны пестонькалэсь пӧзьтэм шыд.

20-тӥ куратолэзе Кез ёросысь Мыркчиньыпи гуртын ортчоз «Pest-Fest» элькун фестиваль. Татын сӥлы каро пестонькалэсь лэсьтэм сиён-юонъёсты. Ужрад кутскоз 9.30 часын.

Та фествиаль радъяське Пельняньлы сӥзем элькун фестиваль улсын. Кез ёросэ вуозы Пермь, Киров улосвылъёсысь, Татарстан, Башкортостан элькунъёсысь куноос.

Калык адӟоз, кызьы удмуртъёс пестонька бичало, солэсь пельнянь пӧрало — кин чалякгес? Собере луоз концерт. Кырӟалозы-эктозы шаерысьтымы тодмо ансамбльёс.

Вань мылкыд карисьёс быгатозы пыриськыны удмурт калык шудонъёсы, уйпал удмуртъёслэсь сиён-юонъёссэс пӧраны дышетскыны. Озьы ик луозы модалиос, арганчиос но такмак кырӟасьёс куспын вожвылъяськонъёс. Фестивальын веръяны луоз уйпал удмуртъёслэсь сиён-юонъёссэс — сюкасез, варсез, сиыны пестонькалэсь пӧзьтэм шыд.

0+

УД