Грак ёросын Вуж Эгралан быдэс гуртэн пусйимы Вормон Нуналэз

Удмурт Дунне
By Удмурт Дунне 12 мая, 2017 18:38
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гракын парад.

Вазь ӵукна ик гуртысьтымы егитъёс автопробеге потӥзы, Россилэн флагеныз урамъёстӥ мотоциклъёсын ортчизы.

Собере ини калык но коркаосысьтыз потыны ӧдъяз: одӥг колонна люкаськиз Ваннапалан, мукетыз — Уллапалан. Огвакытэгес ик соос ог-огзы пумитэ вамыштӥзы, гурт шорын огазеяськизы (нош ураммы милям кузь, 2 иськем пала). Соос борды итӥськизы гонщикъёсмы но. Ваньмы ӵош мынӥмы клуб доры, Быдӟым ожын бырем гуртоосмылы синпелет пала.

Калыкез ӟечкылазы ёросысьтымы Депутатъёслэн Кенешсылэн тӧроез Михаил Крестьянинов, «Родина» СПК-лэн кивалтӥсез Сергей Петров, КПРФ-лэн ёросысьтымы секретарез Юрий Рожин но шаерчимы Василий Черемных (со 60-лэсь трос бертымтэ солдатъёслэсь шайгуоссэс Интернет пыр шедьтӥз ни!). Нош собере егитъёс но пиналъёс кырӟазы, кылбуръёс лыдӟизы. Ужрад йылпумъяськиз ӝук сиёнэн но чай юонэн. Дасязы но ортчытӥзы сое клубын ужасьёсмы Татьяна Овсянникова, Галина Спиридонова но библиотекарьмы Светлана Белова.

Виктор Крестьянинов

Туспуктэм: grahovo.udmurt.ru

Удмурт Дунне
By Удмурт Дунне 12 мая, 2017 18:38