Гажаса ӧтиськом этногуртэ!

Удмурт Дунне
By Удмурт Дунне 24 мая, 2017 12:01
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Люкаськемъёсты аслаз «Этномир» проектэныз тодматыны юромо Удмуртие вуиз «Диалог культур — единый мир» калыккуспо благотворительной фондлэн президентэз Руслан Байрамов.

Удмуртилэн Тӧроезлэсь ужзэ быдэсъясь Александр Бречалов пумиськылӥз национально-культурной огазеяськонъёслэн кивалтӥсьёсынызы.

 

Шаерамы улӥсь выжы калыкъёслэн азьветлӥсьёссы кенешизы улосамы этногурт кылдытон  сярысь. Малпамзыя, отын тодматскыны мед луоз вань выжы калыкъёслэн  улон-вылон сямъёсынызы-йылолъёсынызы.

Люкаськемъёсты аслаз «Этномир» проектэныз тодматыны  юромо Удмуртие вуиз «Диалог культур — единый мир» калыккуспо благотворительной фондлэн президентэз Руслан Байрамов. Со видеопрезентация пыр пыр-поч возьматӥз  Калуга улосысь таӵе гуртэн.

— Проект шуг но, дуно но, — шуиз Алексанр Бречалов. — Но инты но уксё валтӥсь интыын котьку уг луо, дуногес калыклэн мылкыдыз. Куке адямиослэн дартсы вань, котькыӵе ужез бералтыны луоно. Мон шумпотӥсько,  калык огазеяськонъёс та кичӧлтонлы дурбасьтӥзы шуыса. Лыдъясько, пӧртэм выжы калыкъёс  ог-огзы сярысь тросгес  тодыны кулэ. Тани  Руслан Байрамовен кенешим, Удмуртилы сӥзем сэрег Калуга улосын но кылдоз шуыса — отысь этногуртэ араз 1 миллион 700 сюрс туристъёс вуыло. Малпасько, соос пӧлын кылдозы Удмуртиен тунсыкъяськисьёс но. Удмуртиын та проектэз кылдытонэ вань калык пыриськыны кулэ. Мон нокинэ но но кужмысь уг кары — потэ тӥляд, удмуртъёслэн яке армянъёслэн,   асьтэ сярысь тросгес калыклы верамды — пыриське проектэ, гажаса ӧтиськом! Эн возьмалэ, куке  кивалтӥсь косэмъя бюджет коньдонэн  маке ӝутозы но, тӥ дасяз  гинэ лыктоды. Ваньмылы ӵош ужаны кулэ.

Кытын лэсьтӥськоз этногурт, рос-прос тодмо ӧвӧл на.

Кытын  лэсьтӥськоз этногурт, рос-прос тодмо ӧвӧл на. Азьвылгес вераськонъёс ветлӥзы Дэри ёросысь Лудорвай сярысь, но кивалтӥсь шуиз, та инты заповедник луэ, соин ик али утчаськом мукет инты.

Пумиськонэ пыриськемъёслы А. Бречалов ӵектӥз 2 арня ӵоже  проект пумысен мылкыдъёссэс-малпанъёссэс люканы но ужась группалы келяны. Со бӧрсьы концепция кылдытон борды кутскозы.

Зинаида Рябинина

Туспуктӥз Э. Карипов

 

Удмурт Дунне
By Удмурт Дунне 24 мая, 2017 12:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<