Бадӟым удмурт диктантлэн текстэз

Удмурт Дунне
By Удмурт Дунне 3 мая, 2017 17:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Бадӟым удмурт диктантлэсь текстсэ гожтӥз биология наукаосъя доктор Виктор Туганаев.

Кызьы мон кышкамысь дугдӥ

Пинал дыръям мон туж кӧшкемась вал. Нюлэскын улэ, кожасько вал, нюлэсмурт, со бичатыса виыны но быгатэ. Вуын вумуртлэн улон интыез, коргидын – коргидкузёлэн, мунчоын – мунчокузёлэн. Дорам нуназе но огнам кылеме уг луы вал: гур сьӧрын, кожасько вал, коркакузёлэн улон интыез. Эшъёсы но мон кадь ик котьмалэсь ик курдаса улӥзы. Огенымы огмы пумиськон дыръя кӧшкеман учыръёсты вераськомы вал. Уг тодӥськы вал, кызьы асме возьыны ик: нюлэскы мынӥсько ке, нюлэскузёлы кузьым нуоно, вуэ пыласькыны шур пала гурезь улэ васькыку, вукузёлы кыӵе ке но сиён нуоно…

Нош огпол сюри туж аспӧртэм учыре. Одӥг уе (соку гужем вал) сайкай: кин ке но коркатӥ шарккетыса ветлэ. Дорын нокин ӧвӧл: нэнэй фермаын дежурствоын, апайёсы клубын егитъёслэн шудоназы. «Ма кин та таӵе?» – малпасько, нош сюлэмы гадьысь тэтчоно кадь шуккиське. Нош уй югыт, тыр толэзь укноетӥ синме жалятэк пазьге. Озьы ке но, ваньзэ умой-умой адӟыны уг луы. Куара сётыса ветлӥсь уг адӟиськы. Мон шокамысь ик дугдӥ кадь. Мар меда та таӵе? Одеялэн йырме шобыртыны курдасько – кышкатӥсь шуак дорам вуоз, кожасько. Ярам коть, анайёсы бертӥзы – тодмотэм шарккетӥсь соку ик ышиз-быриз. Ӵукна эшелы, Валентинлы, уй куно сярысь верай. Со серекъя: «Ӵушъял ук со! Со коркаосы шыръѐсты кутылыны пыра».

Со уе Валентин мон дорын кӧлӥз. Ми мурӝолысь потон пась доры мешокез юнматӥм но изьыны выдӥм. Нокыӵе куараез но шарккетӥсез ӧм кылэ-адӟе: юн умме усиськеммы. Нош ӵукна султэммы бере азбаре мешокмес чакланы потӥмы. Зэм ик, отысь ӵушъялэз поттӥмы. Сюлэмы ик капчи луиз. Со дырысен монэ кыӵе ке но валантэм учыръёсын кышкатыны туж секыт.

 

Туспукӥз А. Горбунов

Удмурт Дунне
By Удмурт Дунне 3 мая, 2017 17:32