9-тӥ Мае шаерысьтымы югдурез утёзы 1 сюрс 300 полицейскойёс

Удмурт Дунне
By Удмурт Дунне 5 мая, 2017 11:03

Вормон Нуналэн герӟаськем ужрадъёсы пыриськоз 200 сюрслэсь ятыр адями. Кышкыт учыръёсты алон вылысь пыдын ветлон сюресъёсты, шайвылъёсты, синпелетъёсты, жуг-жаг куян интыосты учкыса потозы кинологъёс но сапёръёс.

— «Вунонтэм полк» акцие пыриськисьёсты эскеромы металлоискательёсын, — вераз Югдурез утёнъя министерствоысь общественной порядокез утёнъя управленилэн кивалтӥсез Олег Опарин. — Милемлы шаплы ужано. Угось акцие нырысь-валысь ог 13 сюрс адями пыриське ке вал, туэ 30 сюрс люкаськоз. Та сяна, Ижевсклэн ульчаостӥз «Волна» машинаен ворттыломы. Со пӧртэм интыосын огвакытэ съёмкаос нуоз. Озьы ми шаплы тодыны быгатомы, кыӵе интыын югдур ӟырдыт.

9-тӥ Мае полицейскойёс бадӟым саклык висъялозы урамъёстӥ кудӟыса ветлӥсьёслы но машинаен ворттылӥсьёслы. Таӵеос шаерамы бадӟым ужрадъёс дыръя трос люкасько. Кылем арын май праздникъёсы ульчаосысь кырмемын ог 2 сюрс адями, сюресъёс вылысь палэнтэмын 256 водитель. Таин валче туэ полицейскойёс, калыко интыосты сяна, эскерылозы сад-бакчаосты но. Угось ӵапак отын шулдыр куазь дыръя  адямиос курытсэ юо.

— Туж куриськом анай-атайёсты сак луыны, — вераз Олег Опарин. — Угось Ижысь Шор площадьын нылпиос ӵем ышыло. Кылем арын 8 таӵе учыр пусъемын. 1 час куспын пиналъёс мумы-бубыоссылы берыктэмын вал.

Ольга Корепанова

Удмурт Дунне
By Удмурт Дунне 5 мая, 2017 11:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<