24 час ӵоже ужась удмурт радиостанция, удмурт культурая центр но кун кылъёс сярысь закон

Удмурт Дунне
By Удмурт Дунне Май 24, 2017 11:06
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылем кӧснуналэ «Лудорвай» музей-заповедникын «Удмурт Кенешлэн» азьветлӥсьёсыныз пумиськылӥз  Удмуртилэн Тӧроезлэсь ужзэ быдэсъясь Александр Бречалов. Асьсэлэн юанъёсынызы но ӵектонъёсынызы исполкомчиос бадӟым кивалтӥсьлы меӵак вазиськыны быгатӥзы.

Пумиськонысь юанъёсты-веранъёсты пыр-почгес лыдӟыны быгатоды 6-тӥ инвожое потоно «Герд» номерысь.

— Ӟечбуресь, гажано эшъёс, — удмурт кылын капчияк ӟечбуръяськиз люкаськемъёсын Александр Владимирович. — Ялан тупась муг утчай, ку кытын удмурт сямен калыклы вазиськыны. Удмуртие мон  мазэ-созэ валаса лыктӥ ни, тодӥсько, татын улӥсьёс пӧлысь ог 30 процентэз удмуртъёс, соин ик общественной огазеяськонъёс пӧлысь нырысь ик саклык висъяй ӵап «Удмурт Кенешлы», кивалтӥсеныды Татьяна Ишматоваен ми нырысетӥ ужан нуналъёсам ик пумиськылӥм, нош туннэ дась кылзыны вань мылкыд карисьёсты.  Юаське котьмар сярысь,  сюлмаськонъёстэс эн ватэ, мон  уг сӥзиськы, вань ужпумъёсты  туннэ ик быдэсто шуыса, но  луэмезъя тыршо, — мытӥз пумиськонэз Тӧролэсь ужзэ быдэсъясь.

«Удмурт  Кенеш» огазеяськонлэн азьвыл тӧроез Игорь Семёнов А. Бречаловлы вазиськиз  кӧня ке юанэн. Тужгес шугъяськытӥсез —  кун кылъёс сярысь законэ воштонъёс пыртон сярысь кичӧлтонэз палэнтон. Со ӵектэмын ни вал 2014-тӥ арын, но воштонъёс туннэ но  законэ пыртымтэ, со гинэ ӧвӧл, табере, пе, Прокуратура сое шонертэмен лыдъя.  А. Бречалов паймиз, малы та законлы  Удмурт шаерын пыкъет пукто но сӥзиз  матысь нуналъёсы ик Удмуртилэн прокурореныз пумиськыны. (Нялтас вераса,   понедельнике ик со зэм но кенешиз Сергей Пановен, кыӵе йылпумъянэ вуизы,  бӧрысьгес одно ик ивортом.)

«Удмурт Кенеш» огазеяськонлэн дано президентэз Валентин Тубылов Александр Бречаловлы вазиськиз 2020-тӥ арез… али мытыны курыса. Кызьы тодмо, 3 ар ортчыса, Удмуртия кунлык басьтэмез дырысен 100 ар тырмонэз пусъёз. Солы дасяськыны кулэ ни али ик.

— Туннэ нуналлы удмурт калыклэн тужгес висьытӥсь пӧськыез — удмурт кылэз дышетон-азинтон, — шуэ огазеяськонлэн тӧроез Татьяна Ишматова, — соин туж шумпотӥ, исполкомчиос та пумысен трос юанъёс сётъязы шуыса. Кылсярысь,  нылпи садъёсын анай кылэз дышетон, Можга педколледжез тупатъян-паськытатон,  Глазовын удмурт гимназия кылдытон, удмурт учебникъёслы аккредитация лэсьтон  но мукет.  Шумпотымон,  Тӧролэсь ужзэ быдэсъясь котькуд юанлы дурбасьтӥз,  одӥгзэ но быдэстонтэм ӧвӧл ӧз шуы.

Кылсярысь,  24 час ужась удмурт радиостанция  ужзэ мытыны быгатоз ни туэ ик.  Калык кулэяське ке, мар возьманэз, шуиз А. Бречалов. Вылаз ик, радиостанцилы трос коньдон но кулэ ӧвӧл.

Туж шумпоттӥз  бадӟым кивалтӥсьлэн  сюлмаськытӥсь  юанъёсты соку ик сэрттон-пертчон борды басьтӥськемез. Кылсярысь,  та пумиськонын озьы ик юан сётэмын вал Ижын удмурт культурая центр кылдытон сярысь. «Кенешчиос» та пумысен 10 арлэсь кема верасько ни.  Малпанлы  котькытын дурбасьто, но нокин уг юртты.  Кылем арын  азьвылэныз тӧроен огкылэ вуэмын ни вал В. Короленко нимо ӟуч театрлэсь вуж юртсэ тупатъям бере отчы Удмурт корка усьтыны, но со но вераськонэн ик кылиз. Нош та юрт асьмелы туж тупасал — интыез но ӟеч — город шорын ик, бадӟым но: отчы тэрысалзы «айкайёс» но, мукет коллективъёс но, мастерскойёс но… Соку ас интыяз берыктыны  луысал мултан удмуртъёслы дурбасьтӥсьлэсь, писательлэсь, публицистлэсь В. Короленколэсь бюстсэ, угось ӟуч театр  выль юртэ выжем бере синпелет  утялтэмын вал,  со али но тузонӟе кыӵе ке кеносын, нош удмуртъёс понна та ним туж дуно луэ.

Шӧдӥськиз, Александр Бречаловлы  Удмурт корка пумысен малпан  кельшиз. Озьы ик вань. Понедельнике аппарат кенешын со вераз ни: пумиськон бере ӵуказеяз ик (арнянуналэ) ветлӥ  В. Короленко нимо вуж театрлэсь юртсэ учкыны, угось «кенешчиос» ӟеч кичӧлтонэн потӥзы, отын зэмзэ но умой луысал  лулчеберетъя    корка усьтыны, но котырзэ эскерыса, мылкыды куашказ. Кин озьы тупатъян ужъёс лэсьтэ? Малы, рос-прос сэзъятэк, фасадзэ буяны, липетсэ кышъяны 10 миллион манет быдтоно вал?   Валаськоды ук, кӧня ке ар улыса, со куашканы быгатоз!

Кивалтӥсь малпанмес уг палэнты,  та пумысен со  ужась группа кылдытӥз ни.

Пумиськон 2 час пала кыстӥськиз, но ваньмызлы юан сётыны дыр ӧз тырмы, угось, удмуртлык сяна, калыкез сюлмаськыто нуналмысь ужпумъёс, но кивалтӥсь сӥзиз ӵемгес пумиськылыны.

«Удмурт Кенеш» огазеяськонлэн  дано  президентэз Валентин Тубылов  Александр Бречаловлы вазиськиз 2020-тӥ арез… али мытыны курыса. Кызьы тодмо, 3 ар ортчыса,  Удмуртия кунлык басьтэмез дырысен 100 ар тырмонэз пусъёз. Солы дасяськыны кулэ ни али ик.

-Туж шонер, — шуиз А. Бречалов. Сыӵе лыдпусэз вунэтыны нокызьы но уг яра, мон вань луонозэ лэсьто, Удмурт шаерын улӥсьёс понна со тодэ  кыльымон мед луоз шуыса. Малпасько,  вань та ӵектонъёстэс-кичӧлтонъёстэс пыртыны луоз   бадӟым юбилеез  пусъёнъя  планэ.

Пумиськон 2 час пала кыстӥськиз,  но ваньмызлы юан сётыны дыр ӧз тырмы, угось, удмуртлык сяна, калыкез  сюлмаськыто нуналмысь  ужпумъёс, но кивалтӥсь сӥзиз  ӵемгес пумиськылыны. Кылсярысь,  матысь дыре со радъяны куриз удмурт кылэз дышетонъя нимысьтыз кенешон.

Пумиськонысь юанъёсты-веранъёсты пыр-почгес лыдӟыны быгатоды 6-тӥ инвожое потоно «Герд» номерысь.

 

Зинаида Рябинина

Туспуктӥз Э. Карипов

Удмурт Дунне
By Удмурт Дунне Май 24, 2017 11:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<