Вузъёссэс адӟытӥзы Удмуртиысь тужгес усто производительёс

Удмурт Дунне
By Удмурт Дунне Апрель 25, 2017 11:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Ижысь Эшъяськон юртын ортчем ужрадын пусйизы «Удмуртиысь брендъёс — 2016» конкурсын вормемъёсты.

Глазовысь ужбергатӥсь А. Стяжкин (паллянысез) шаерысь но Ижысь кивалтӥсьёсын.

Вожвылъяськонэ пыриськизы 42 предприятиос, соос пӧлысь 32-ез пӧртэм номинациосын вормизы.

Глазовысь ужбергатӥсь Алексей Стяжкин 20 ар пала гын сапег лэсьтонэн выре. Сапегъёссэс яратыса басьто, асьме шаерын сяна, Россиын но кунгож сьӧрын.

— Ваньмыз гын сапегъёсмы киын лэсьтэмын, — вера А. Стяжкин. — Тани кунчияз чильпамез гинэ но — кибашлыослэн ужзы. Ыж гон басьтӥськом сӥзьыл ӵышкемзэ гинэ, сое Татарстанысь но Башкириысь вуттӥськом, угось Удмуртиын ыж вордӥсьёс трос ӧвӧл.

Шаерысьтымы предприятиос выль сямен ужаны, выль ӧръёс усьтыны уг кышкало. Тани Уваысь санаторий эмъяськон удысын кемалась тодмо ини, но туэ гинэ отын эмъяськон суретъёс поттыны кутскизы.

— Милям вань минерал вуосмы, йӧнатӥсь сюйёсмы, — вера санаторийлэн кивалтӥсез Инна Веслова, — марлы соослэсь кыӵе ке вуз поттонтэм? Ижысь одӥг компаниен кутскимы минерал вуосын но сюен кремъёс, мазьёс, бальзамъёс лэсьтыны. Та вузъёсты туэ гинэ поттыны кутским ай, но юасьёс-басьясьёс трос ини. Соин малпаськомы ужмес паськытатыны.

Асьме дорын поттэм вузъёсты калык дунъя но яратыса басьтэ. Тае пусйиз промышленностья но вуз каронъя министрлэсь ужзэ быдэсъясь Владимир Разумков.

Адӟытонэ пыриськем предприятиослэн вузъёсынызы тодматскизы Правительстволэн Тӧроезлэсь  ужзэ быдэсъясь Виктор Савельев но Иж городлэн йырыз Юрий Тюрин.

Соос ӟечкылазы «Удмуртилэн брендэз» ним нуллон понна конкурсын вормисьёсты. Туэ нырысьсэ кылдӥз «Калыклэн быръёнэз» номинация: тужгес устооссэ предприятиосты бырйиз огшоры калык, Интернет пыр куаразэ сётыса. Оглом отчы пыриськиз ог 12 сюрс адями.

Ангелина Снигирёва

 

Удмурт Дунне
By Удмурт Дунне Апрель 25, 2017 11:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<