Туэ лемтэйёс ичи уз луэ

Удмурт Дунне
By Удмурт Дунне Апрель 10, 2017 15:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Лемтэйёслэсь утиськон вылысь шаерысьтымы 33 сюрс адями туэ прививка пуктӥз ини, 24 сюрсэз — нылпиос.

Шаерысьтымы Роспотребнадзор лемтэйёсын нюръяськон вакытлы дасяське. 10-тӥ апрельлы куртчиськон учыръёс пусъемын ӧвӧл на.

Но со али гинэ озьы, шуо Роспотребнадзорын ужасьёс. Угось куазь шуныт кариськемъя кибыос шаплы сайкало. Кылем арын нырысетӥ куртчиськон учыр Ува ёросын 9-тӥ апреле пусъемын вал. Эмъясьёс дӥне оглом вазиськиз 10 сюрслэсь ятыр адями, та пӧлысь ог 2 сюрсэз — покчиос.

Туэ но лыдпусъёс ичи уз луэ, чаклало Роспотребнадзорын. Элькунамы котькуд ёросын лемтэйёс алямын. Россиысь улосъёсын ӵошатыса, Удмуртиысь кибыос тужгес кышкытэсь луо боррелиоз висёнэз паламенызы. Та ласянь лыдпусъёсмы, кунэн ӵошатыса, 3 поллы бадӟымесь.

Лемтэйёслэсь утиськон вылысь шаерысьтымы 33 сюрс адями туэ прививка пуктӥз ини, 24 сюрсэз — нылпиос. Шоркарысь калыко интыосты нимысьтыз суретэн пазянлы Иж город администрация 819 сюрс манет висъяз. Лымы быриз ке, ужъёс кутскемын луозы. Лемтэйёслэсь но шыръёслэсь кышкатэк поръяны яралоз, кылсярысь, Космонавтъёслэн, Киров нимо, Горький паркъёстӥ, зоопаркетӥ но мукет.

Лемтэй куртчиськиз ик ке, вазиськоно улон интыя эмъясьёслы. Кибыез эскерыны нуоно Ижысь Киров ульчаысь 46-тӥ юртэ — гигиеная но эпидемиологияя центре. Боррелиоз, энцефалит, эрлихиоз но анаплазмоз висёнъёсты эскерон 1 сюрс 300 манет котыр усёз.

Ольга Корепанова

Туспуктӥз А. Горбунов

Удмурт Дунне
By Удмурт Дунне Апрель 10, 2017 15:40 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<