Сириын пуштылонъёс, Россиын дунтэк эмъяськон, Удмуртиын сакгес кариськон

Удмурт Дунне
By Удмурт Дунне 17 апреля, 2017 13:25
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

ДУННЕЫН

Ма понна?

Россилэн Президентэз Владимир Путин США-ез курлаз Сириысь авиабазаез пуштытъямез пумысен.

7-тӥ апреле Сириысь Шайрат авиабазае США 59 «Томагавк» ракетаосты лэзьяз. Та вамышсэс Дональд Трамп тазьы валэктӥз: Сирилэн президентэз Башар Асад косэмъя 4-тӥ апреле та авиабазаысен Сириысь Хан-Шейхун городэ террористъёсты быдтон понна химической суретъёс вӧлмытэмын вал. Сирия вылэ ракета куяса, Америка аслэсьтыз калыксэ кышкыт ож тӥрлыклэсь утиз, пе. Но кызьы шуиз В. Путин, Сирия химия суретъёсты кутӥз шуыса, йӧн-йӧн тодмо ӧвӧл ай.

РОССИЫН

Эмъяськозы дунтэк

Россиысь Тазалыкез утёнъя министерство вераз: ужтэк кылемъёс но ваньмыз, кин налог уг тыры, азьвыл сямен ик быгатозы медицинской полисъя дунтэк эмъяськыны.

Вазенгес Россиысь СМИ-осын ивор вӧлмиз вал, ужатэк улӥсьёсты дунтэк уз эмъялэ ни шуыса. Соос «скороез» гинэ дунтэк ӧтьыны быгатозы. Но ведомствоын та иворез янгышен лыдъязы. Тазалыкез утёнэн герӟаськем одӥгаз но проектын таӵе ӵектон пыртыны чакламын ӧвӧл, шуизы. Дунтэк эмъяськон — со Конституциын юнматэм право, быдэс Россиын ваньмызлы адямиослы огкадь сётӥське.

УДМУРТИЫН

Синъёссы — сакесь

Санкт-Петербургын пуштон учыр луэм бере шаерамы улӥсьёслэн синъёссы эшшо но сак луизы.

Югдурез утёнъя министерствое жингыръясьёслэн лыдзы будэ. Кылсярысь, 11-тӥ апреле вазиськиз 1 сюрс 293 адями. Со юрттӥз шаермылэн ульчаосысьтыз 170 кудӟемъёсты, 38 укылтэмъёсты кырмыны.

Ижын улӥсьёс 10-тӥ апреле Воткинской шоссе ульчаысь сюрес вамен музъем ултӥ потонысь кузётэм пакетэз синйылтӥллям. Кыӵе ке коробка сылэ вылэм зоопарк вӧзын но. Кыказ но интыосы следовательёс но кинологъёс потазы. Ганяк шокчизы: пуштӥсь арбериос отын ӧвӧл.

Югдурез утисьёс вазисько: кельтэм песьтэръёсты, пакетъёсты, коробкаосты исано ӧвӧл, соку ик 02 телефонэ жингыртоно.

УД

Удмурт Дунне
By Удмурт Дунне 17 апреля, 2017 13:25 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<