Школаын дышетскисьёс инсьӧръя тодон-валанзэс эскерозы

Удмурт Дунне
By Удмурт Дунне 13 апреля, 2017 09:20

 Удмурт кун университет ялэ инсьӧрэз тодонъя визь-сынан. Ӵошатсконлэсь радлыксэ шедьтыны луоз татысь:  https://goo.gl/jaPtvT.

Нош 22-тӥ куартолэзе визьсынанын вормисьёс зэмос космонавтэн пумиськозы. Ижкаре со вуоз инсьӧрлы сӥзем Арнялэн ужаз пыриськыны.

Та арня куспын, 22-тӥысен 25-тӥ куартолэзёзь, УдГУ-ысь, Медициная академиысь но Удмуртиысь заводъёсысь ӧнерчиос инсьӧрен герӟаськем ужпумъёсты эскерозы.

Туннэ нуналлы МКС-ын (Международная космическая станция) ог 150 пала эскеронъёс ортчо. Тросэз соос сярысь уг тодо. Озьы ик уг тодо, та эскеронъёсы УдГУ-ысь, Медициная академиысь, ИжГТУ-ысь но ӧнерчиос пырисько шуыса. Та арня куспын вань мылкыд карисьёслэн  МКС-ын ортчись куд-ог эскеронъёсын тодматскемзы луоз.

Ужрадэз радъяло Ижкарысь Удмурт кун университет (УдГУ) но Королёв карысь Машинаосты лэсьтонъя научно-исследовательской институт (ЦНИИМаш).

Наталия Самсонова

Удмурт Дунне
By Удмурт Дунне 13 апреля, 2017 09:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<