Шаерысьтымы утчаськисьёс ож ортчем бервылъёсы потозы

Удмурт Дунне
By Удмурт Дунне 11 апреля, 2017 09:01
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Утчаськонъёс кутскозы ог арня ортчыса. 

«Долг» огазеяськонлэн кивалтӥсез Фаиль Ибрагимов верамъя, туэ Удмуртиысь 70 пала утчаськисьёс Быдӟым ожын быремъёслэсь лысьӧмъёссэс утчаны мынозы. Нырысетӥез группа потоз 20-тӥ апреле Ленинград улосэ. 22-тӥ апреле сюрес вылэ потоз разведгруппа, туэ со ужалоз Смоленск улосын — Удмуртиысь 357-тӥ стрелковой дивизилэн ожмаськем интыосаз. Со нуналэ ик Глазовысь «Новый феникс» отряд мыноз Ленинград улосэ.

Туннэ нуналлы Удмуртиын ог дасо поисковой отрядъёс ужало: Ижын, Глазовын, Балезиноын, Воткинскын, Ува, Пичи Пурга ёросъёсын. Берло дыре поисковикъёс кылдӥзы Можгаын. Со сяна, Удмуртиысь утчаськисьёс борды курисько Агрызысь 2 номеро школаысь дышетскисьёс но (малы ке шуоно Казань соослы кыдёкын).

Елена Рябина

Туспуктэм: vk.com

Удмурт Дунне
By Удмурт Дунне 11 апреля, 2017 09:01