Шаерамы ог 400 сюрс гектар бусыос аналтэмын

Удмурт Дунне
By Удмурт Дунне 24 апреля, 2017 16:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Жаляса верано, пашмем бусыосты выльысь улӟытон уж туж каллен мынэ. Писпуосты порылэм, музъемез гырем понна кун ласянь субсидия висъяське ке но, уж борды басьтӥськисез сокем ик трос ӧвӧл.

Кытын ке хозяйствоос техниказэс жаляло, кытын ке бусымы сотэк но тырмыт шуо. Одӥг ёросын гинэ — Алнашын — одӥг гектар но аналтэм бусыоссы ӧвӧл — ваньзэ утялто. Татын эшшо но лудъёссэс паськытатысалзы, но гырыны номыре ни. Озьы миым шаерамы оглом 1 сюрс 100 гектарлы бусыос йылӥзы но, туннэ утялтӥське 1 миллион 31 сюрс гектар.

Кун Кенешысь Гурт удысъя, музъем кусыпъёсъя, инкуазь узырлыкъёсъя но инкуазез утёнъя ялан ужась комиссиен кивалтӥсь Владимир Варламов верамъя, туэ шаерысьтымы 4,5 сюрс гектар аналтэм бусыосты выльысь гырыны-кизьыны чакламын. Республикамы понна та воксё но бадӟым лыдпус ӧвӧл. Котькуд ёрослы план пуктэмын. Котькудӥзлэсь санэ басьтэмын, макем соослы кулэ на эшшо бусыос, кӧня пудо вордо, кӧня гид ӝутыны малпало. Бусыос сотэк но тырмо ке, лыдпус понна гинэ гектаръёсты будэтонлэн толыкез уз луы уго. Бусы сюдыны кулэ, шуэ В. Варламов. Пашмем бусыез кызьы дунтэмгес, капчигес кизёноосыз пӧлы берыктоно — эскерозы Юкаменск ёрос вылын, со понна нимысьтыз проект дасяське.

Елена Сараматова

Туспуктӥз А. Горбунов

Удмурт Дунне
By Удмурт Дунне 24 апреля, 2017 16:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<