Шаерамы автобусъёсты эскерозы

Удмурт Дунне
By Удмурт Дунне 26 апреля, 2017 10:33
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Автобусъёс куспазы ӵошатскыса ужало.

Кыстӥськоз со 3-тӥ маёзь. Туэ та ужрад 2-тӥзэ радъяське.

— Операциез ортчытонлы мугъёс трос. Нырысетӥез, калыкез нуись-вайись транспортын усьыса вӧсь луэмъёслэн, авариослэн лыдзы будэ. Кыкетӥез, 1-тӥ мае шаерамы усьтӥськозы сад-бакчае вуттӥсь маршрутъёс. Куинетӥез, юыса руль сьӧры пуксисьёс лачак, — вераз сюресъёс вылын кышкытлыклэсь утиськонъя инспекциысь техникаез пусъёнъя но эскеронъя ёзлэн кивалтӥсез Александр Чернов.

Туэ 3 толэзь куспын автобусъёсын герӟаськем 7 шудтэм учыр пусъемын. Кылем арын та вакытэ 3 сяна ӧй вал. Туэ 7 адями вӧсь луыны шедиз ке, миым арын — 3. Кышкыт учыръёс уката трос луэмын Ижын но Дэри ёросын.

— Нырысетӥез операция дыръя эскеримы 52 автобусэз, — шуиз Александр Валерьевич. — Таяз радэ тыршомы троссэгес чакласа потыны. Уноез автобусъёс шуккиськон учыръёсы шедиллям, азязы машинаос шуак потэмен. Соин ик водительёслы дэмласькомы видеорегистраторъёс пуктылыны. Жаляса верано, тросаз автобусъёсын соос ӧвӧл на.

Ольга Корепанова

Туспуктӥз А. Горбунов

Удмурт Дунне
By Удмурт Дунне 26 апреля, 2017 10:33 Updated