Сазь улэм понна — 500 сюрс манет!

Удмурт Дунне
By Удмурт Дунне 27 апреля, 2017 13:37
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Кылем арня пумын Эгра каргуртын шаерысьтымы муниципал кылдытэтъёслэн кивалтӥсьёссы люкаськылӥзы. Отын кылем арын ужамзылы йылпумъянъёс  лэсьтӥзы.

«Сазь гурт» вожвылъяськонын вормемзы понна пусъемын Вотка ёросысь Светлянское муниципал кылдытэтлэн кивалтӥсез З. Вострокнутова.

Ужрадэ пыриськизы Правительстволэн Тӧроезлэсь ужзэ быдэсъясь Виктор Савельев, Кун Кенешлэн Тӧроез Владимир Невоструев, Тӧролэн но Правительстволэн администрациенызы кивалтӥсьлэсь ужзэ быдэсъясь Сергей Смирнов но мукетъёсыз. Эгра каргурт токма шорысь быръемын ӧй вал. Берло аръёс ӵоже ёросысь ужбергатӥсьёслэн, гуртоослэн валче ужаны быгатэмысьтызы, выль проектъёс кылдо, улон умой пала воштӥське.

— Берло 2 ар куспын каргуртамы кылдытэмын «Эгра» этно-парк, — вера Эгра ёрослэн йырыз Татьяна Чуракова. — Арлы быдэ 9-тӥ Мае трос калык люкаськылэ Эграысь Быдӟым ожлы сӥзем синпелет доры. Но отын интыез пичи. Табере митинге потэм калык артысь паркын семьяеныз шутэтске. Выль интылы тросэз синмаськизы ни: куноос но, Эгра ёросын улӥсьёс но.

Али ёросын тыршо «Эграысен Играозь» проект бордын. Каргуртсылэсь туссэ шулдыртон, вашкалазэ утён сярысь сюлмасько. Пусйыны кулэ, эграослэн та проектсы шаерысьтымы устоосыз пӧлы шедиз. Мытэм ужзэс азинтон вылысь соослы 600 сюрс манет висъямын.

Интыысь аскивалтонлэн нуналаз тодмо луизы «Устоез муниципал кылдытэт», «Чеберез гурт» но «Сазь гурт» вожвылъяськонъёсын вормисе потэмъёс. Соос 50 сюрсысен 800 сюрс манетозь премия, 18 автомобиль но Удмурт Республикалэн Тӧроезлэсь 5 грант утӥзы.

Муниципал кылдытэтъёслэн вожвылъяськоназы 5 город, 18 ёрос но 33 гурт поселение пыриськизы. Соос нимаз люкемын вал, калыксылэсь лыдзэ чакласа. Вотка ёросысь Нововолковское муниципал кылдытэтлэн проектэз ульчаез югдытонэн герӟаськемын. Гурт кузё Александр Балаганский та удысын бюджет коньдонэз шыръяны выль амал шедьтэм. Ӟеч малпанзэс азинтонлы 250 сюрс манет висъяськиз.

Озьы ик пӧртэм группаосын вормисе потэм проектъёс пӧлы шедизы: «Камский берег» (Сарапул город), «Семья — огъя сюлмаськонмы» (Сюмси ёрос), «Быги поселениын Олимпиадалы кутскон сётон» (Шаркан ёрос), «Булай черкогуртын Удмурт культурая центрез усьтон но туризмез азинтон» (Ува ёрос).

—  Туризмез азинтон ласянь весь верасько бере, милям но 2013-тӥ арын йырамы тунсыко малпан кылдӥз, — шумпотэмзэ уг ваты Булай муниципал кылдытэтлэн йырыз Ирина Никифорова. — Экспонатъёс бичаны кутскимы, соосты лачак тырон инты висъямы. Гурт калык но, предприятимы но милемлы юрттӥськизы. Дауръёсты улӟытон коркаямы 2 висъет: одӥгаз куно пумитаськомы пӧсь табанен, нош мукетаз интыяськемын музеймы. Вань секытэз культура удысын ужасьёс вылэ усе. Соослы ватсаса уждун тыроно вылэм. Но луонлык ум шедьтӥське на. Азьланяз нош ик маке выльзэ кылдытытэк уз луы. Берло дыре Чиж гурезе трос калык люкаськылэ, отчы маке малпано на.

Удмурт Республикалэн Тӧроезлэн грантъёсыз 5 ёросысь муниципал кылдытэтъёслы сётэмын.

Удмурт Республикалэн Тӧроезлэн грантъёсыз 5 ёросысь муниципал кылдытэтъёслы сётэмын. Устоосыз пӧлы шедизы таӵе проектъёс: национальной культурая «Трокайлэн усадьбаез» центр (Алнаш), арлыдоослы юрттэт сётонъя «Вера. Надежда. Любовь» пансион (Дэбес), культурая объектъёсты азинтон (Кияса),  гурт калыклы юрттэт сётонъя «Гражданская инициатива»  (Шаркан) но «Кожильын ву сётонэз радъян» (Балезино ёрос). Проектъёссэс азинтонлы Алнаш ёрослы 300 сюрс манет висъямын, кылемъёсызлы — быдэн 200 сюрс манетэн.

Чылкыт но шулдыр муниципал кылдытэтъёс пӧлы пыризы Сарапул, Можга но Глазов городъёс, Ижевскысь Устинов, Индустриальной но Первомай ёросъёс. Гурт поселениос пӧлын висъяськизы Алнаш, Сьӧлта но Кияса.

Россиын 16-тӥ арзэ «Сазь гурт» вожвылъяськон ортче. Со борды Удмуртия нырысьсэ итӥськиз кылем арын. Кичӧлтон сётӥзы Удмуртиысь «Союз женщин» но Гурт удысъя но сиён-юонъя министерство. Вожвылъяськонэ 16 ёросысь 35 муниципал кылдытэтъёс пыриськизы. Вань куронъёсты лыдэ басьтыса, вормисен лыдъямын Вотка ёросысь Светлое, Якшур-Бӧдья ёросысь Кекоран но Сьӧлта ёросысь Валамаз черкогуртъёс. Соослы  500, 300 но 200 сюрс манет сётэмын. Висъям коньдонэн малпало спорт тӥрлык басьтыны, ваньмон дырез ортчытон интыоссэс тупатъяны.

Валентина Емельянова

Туспуктӥз Э. Карипов

 

Удмурт Дунне
By Удмурт Дунне 27 апреля, 2017 13:37 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<