Праздникен, ужась адямиос! Тулыс мылкыд но ӟеч уждун!

Удмурт Дунне
By Удмурт Дунне Апрель 28, 2017 10:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

 

Зинаида Рябинина, валтӥсь редактор

Ура, тол сётскиз, солэн мукет амалыз ӧвӧл, угось 1-тӥ Май ныр йылын ни.

Гуртоос тани бусые потӥллям ни, оско, туэ туж ӟеч урожай луоз шуыса. Умой вылэм. Нош городъёс потозы демонстрацие. Берло аръёсы та йылолэз нош ик улӟытӥзы. Зэм, выльысь калыке со ӟукыртыса пыӵа, угось отчы косэмъягес ӝуткаськоно луэ. Мугез праздниклэн пуштросэзлы пумит луэмысь чик но ӧвӧл — мон, кылсярысь, туж гажасько но данъясько ужме. Редакциысь мукет ужасьёс но озьы ик, лыдъясько. Но мед луысал со огшоры праздник выллем — потэ адямилэн мынэмез — мед мыноз-шулдыръяськоз, уг поты — мед бакчаяз копаськоз.

— Вань на-а та нуналлэн зэмос шӧмыз? — юам ми та нуналъёсы Удмуртиын ужась депутатлэсь А. Исаевлэсь. Со џап праздник азьын редакциямы вуылћз.

— Мон лыдъясько, вань, — шуиз со. — Калык озьы возьматэ ӵош луэмзэ, со дыре ик вера аслэсьтыз куронъёссэ но: ужтэк кылемъёслэсь лыдзэс кулэстон, уждунэз будэтон, налогъёсын валамтэосты палэнтон но мукет…

Туж умой укшаз, угось милям но вань ужъя правоосын герњаськем юанмы: малы творческой профессиен адямиослэн ужзы пыртэмын ӧвӧл 8 часлэсь тросгес ужасьёс пӧлы? Сотэк милям луонлыкмы ӧвӧл ватсаса 3 нунал ке но отпуск басьтыны.

Андрей Константинович та ужпумез эскером шуиз. Валамон, ми пумит ӧвӧл ватсаса ужаны, но мед со дунъяськоз законъя. Нялтас вераса, со вӧлме артистъёс вылэ но — коть уйшорозь калыкез шулдырты, ужамдэ 8 часлэсь трос уз лыдъялэ, малы ке шуоно кодекс борды кулэ на мукет кат.

Нош ку но кин лыдъялляз ни гуртоослэсь ужам чассэс? Ярам, ӟеч хозяйствоосын умой уждун ке тыро, нош куанераз? Ми тани 1-тӥ Мае час ӵоже ульча шортӥ ортчом, репортаж гожтом но шашлык сиыны кошком, нош соос пеймытозь гырозы.

Праздникен, ужась адямиос! Тулыс мылкыд но ӟеч уждун!

 

Удмурт Дунне
By Удмурт Дунне Апрель 28, 2017 10:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<