Ож бервылысь шедьтэм арбериосты луэ учкыны Удмуртиысь Йӧскалык музейысь

Удмурт Дунне
By Удмурт Дунне 10 апреля, 2017 13:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Огез адӟытонзы та вакытэ берпуметӥ нуналъёссэ ни ужа Удмуртилэн туала историезлэн документациезъя центрын.

Туэ Удмуртиысь утчаськисьёслэн «Долг» огазеяськонзы 25 арессэ пусъе. Солы сӥзьыса, 11-тӥ апреле Удмуртиысь Йӧскалык музейын адӟытон усьтӥськоз.

— 25 ар ӵоже ми ож лудысь уно арбериос поттӥм ни, трос документъёс, гожтэтъёс люкам, — вера «Долг» огазеяськонлэн кивалтӥсез Фаиль Ибрагимов. — Сое ваньзэ калыклы возьматэммы потэ.

Жаляса верано, «Долг» огазеяськонлэн аслаз нимаз юртэз яке музеез ӧвӧл, соин шедьтэм арбериосыз «шыкысъёсын» возёно луэ. Кӧнязэ ке соос пӧлысь вань мылкыд карисьёс быгато адӟыны Ижысь Гагарин урамын интыяськем «Полёт» центрын — ӵапак отын «Долг» огазеськонлэн кенешъёсыз ортчыло. Озьы ик луо «ветлӥсь» адӟытонъёс — школаосы, музейёсы ӧтё ке, поисковикъёс отчы шедьтэм арбериоссэс возьматыны нуо. Огез адӟытонзы та вакытэ берпуметӥ нуналъёссэ ни ужа Удмуртилэн туала историезлэн документациезъя центрын.

— Милям льӧль малпанмы — асьмелэсь музеймес усьтыны. Туж шумпотысалмы, кытын ке центрын инты висъясалзы ке, — вера Фаиль Ибрагимов. — Туннэ та шугъяськонмы йылаз-пумаз вуттымтэ на, пӧртэм ӧсъёсы йыгаськиськом, оскытыны тыршиськом, музеез возьыны но выставкаос радъялляны быгатом шуыса.

11-тӥ апреле элькунысьтымы Йӧскалык музейын, адӟытонзэ сяна, «Долг» огазеяськон «Буре ваён вахта» но усьтыны медэ. Ужрад кутскоз 16 часын.

Елена Рябина

Удмурт Дунне
By Удмурт Дунне 10 апреля, 2017 13:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<