Маскара ӧвӧл…

Удмурт Дунне
By Удмурт Дунне Апрель 6, 2017 09:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

 

Зинаида Рябинина, валтӥсь редактор

Чик шулдыр ӧвӧл апрельлэн кутсконэз. Солы пумит — онгромытӥсь.

1-тӥ апреле Евгений Евтушенко кулӥз. Со вал ни ас вакытысьтыз берпуметӥосыз пӧлысь. Сыӵе Кылбур вакыт ноку уз луы ни, Евгений Александровичлэн «поэт в России — больше, чем поэт» шуэмез туж кужмо чузъяське ке но. Евтушенко, «Идут белые снеги» кылбураз кадь, кылиз асьме пӧлы пыраклы, нош кин тодоз на, кӧня ке дыр ортчыса, Киевын вием политикез-бизнесменэз Д. Вороненковез?

3-тӥ апрель — эшшо секытгес нунал. Санкт-Петербургын — кайгу. Возьмамтэ шорысь бырон, сӧсырмон. Данакез — егитъёс. Россилэн пќртэм улосъёсысьтыз адямиослэн улонзы уриськиз та чебер городын. Питер асьмелэсь кыдёкын, но тросэзлэн отын уло ӵыжы-выжыоссы, тодмооссы.

— Удмуртиысь нылкышно бырыны шедиз шуыса тодэммы бере соку ик вотэсъёс пыр вазиським, юрттэт ӵектыса, — шуэ Санкт-Петербургысь удмуртъёслэн огазеяськонзылэн кивал-тӥсез Татьяна Серебренникова. — Нырысь шедьтӥм  эшсэ, собере семьязэ — кузпалзэ но кыкетӥ нылзэ. Мылкыдзы секыт. Иринаез келяны одно мыном.

Огзэ секыт учырез воштэ мукетыз. 4-тӥ апреле ӵукна онгромытӥз Удмуртилэсь тӧрозэ бадӟым взятка басьтэмез понна Москваысь судэ келян сярысь ивор. Кытӥ-мар ужысьтыз палэнто, кытӥ-мар выль кивалтӥсь пукто. Со часэ ик  А. Соловьевлэн интыяз сьӧрлось адямиез юнмато бере, иське, ваньмыз азьлапал тодмо ни вал. Нош калыклы возьмамтэ шорысь луэ. Таӵе ивор пыриз котькуд корка, сое али верало котькуд сэргын, пиналэз но, пересез но. Мар луоз ӵуказе? М. Бабич шуэ, ваньмыз умой луоз.

Александр Бречалов, азьвыл тӧроосын ӵошатыса, егит, солы 43 арес. Шуо, спортсмен, бизнесмен, пиналысен выремын общественной ужен. Туж туала адями — вотэсын нуэ аслэсьтыз бамзэ, тыре туспуктэмъёссэ… Толон тодматскиз Удмуртиысь кивалтӥсьёсын, депутатъёсын. Залын шыпыт. Уг чабо. (Яке таӵе учыръёсы чабыны кулэ ӧвӧл?) Ымныръёс — ыштӥськем тусо. Кызьы ке ваньмыз шуак-дуак луиз уго. Али А. Бречалов Удмуртилы кивалтӥсе пуктэмын огдырлы. Сӥзьыл быръёнъёс бере тодмо луоз — кӧнялы.

Туспуктӥз А. Горбунов

Удмурт Дунне
By Удмурт Дунне Апрель 6, 2017 09:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<