Кыӵегес бен выль тӧро?

Удмурт Дунне
By Удмурт Дунне Апрель 24, 2017 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Зинаида Рябинина, валтӥсь редактор

— Кыӵегес бен выль тӧро? — юало тодмоос кенеше ветлэм бере. Вакчияк ке — мукет.

Мукет — со  азьвылъёсызлэсь урод яке ӟеч шуэм ӧвӧл, малы ке шуоно созэ кӧня ке ужамез бере адӟом. Мукет — со мукет. Нырысь ик — туж тупамон арлыдо: мӧйы но ӧвӧл, пинал но уд шуы ни — егит, огкылын, кын корт куртчылоно кадь. Мон малпамъя, шоро-куспо арлыдоослэн дуннеез адӟонзы шӧдскымон паськытгес, угось соос тодо на совето вакытэз но, уг ыштӥсько  выль тулкымъёс пӧлын но. Ивор дуннеез гинэ но басьтоно ке. Котькӧня мед шуозы, Интернет — со урод, но отын пайдаез но шӧдскымон бадӟым. Александр Бречалов ваньмаз сямен вотэс бамъёсын вань. Нялтас вераса, со удмурт кылын но хештэгъёс пуктылэ, постъёсаз «ӟечбур, Удмуртия, кыӵе мылкыд» шуыса вазиське.

Шаерысьтымы кивал-тӥсьёсын нырысьсэ кенеш ортчытыкуз ик, со ӵектӥз ужазы туала амалъёсты ӵемгес кутыны. Со ӝытаз ик куд-ог министръёс усьтыр-табыр  вотэс бамъёссэс усьтӥзы! Валамон, соос кылдыны кулэ ӧвӧл ньӧмыз понна, тӧро лыдъя, вотэс юрттэ калыклы матэгес луыны, шаерысьтымы зэмос улон югдурез тодыны. Кылсярысь, вотэс пыр солы ивортӥзы, Воткинск ёрослэн йырыз Андрей Русинов уксёез аслаз тыметъёсыз доры сюрес лэсьтонэ кутӥз шуыса… Соиз, эсьма, ужысьтыз кошкон сярысь куриськон гожтэм ни. Но со дыре ик Александр Бречалов калыклы вазиське: эсэпсэ эн ортче! Интернет — со эрико инты ке но, законэз нокин ӧз палэнты на: кулэ ӧвӧл пӧяськыны, ог-огдэ ултӥяны, кышкатъяськыны. Кыллы пумит кыл кутон вань!

Нялтас вераса, монэ озьы ик паймытэ тӧроен «тон» шуыса вераськон манер, косъяськон, эш кариськыны турттон… Таиз  законъя меӵак алэмын ӧвӧл бен, но вань ук со ик эсэп.

Валамон, «мукет» тӧро-лэсь ми тае гинэ ум возьмаське — мед луозы мукет сюресъёс, мукет уждунъёс, мукет луонлыкъёс но мукет — ӟеч — мылкыд!

 

Удмурт Дунне
By Удмурт Дунне Апрель 24, 2017 15:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<