Киясаысь иворъёс: чагыр эстӥськон, пӧйшуръёслэн сульдэръёссы но ёрос сярысь книга

Удмурт Дунне
By Удмурт Дунне 3 апреля, 2017 10:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Юртъёс кылизы суредъёсы

Киясаысь Пётр Кривоноговлэн музеяз усьтӥськиз Нина Мерзляковалэн ужъёсыныз адӟытон.

Нина Александровна вордскемын Киясаын, нош та вакытэ улэ Пичи Пурга черкогуртын. Кылем толэзе Кияса ёрослы 90 ар тырмон дыръя со аслаз архивысьтыз 1950-тӥ-1970-тӥ аръёсы лэсьтэм туспуктэмъёссэ, карандашен лэсьтэм 30 пала суредъёссэ кузьмаз. Отын возьматэмын вашкала черкогуртлэн улэм-вылэмез: карасин, йӧл, нянь, книга вузан лавкаос, универмаг, продмаг… Отысь ик адӟыны луэ ёросамы улӥсьёслэсь со вакытэ кыӵе дӥсен но причёскаен ветлэмзэс. Паймытӥзы юртъёс, угось ӝыныезлэсь ятырез соос суредъёс вылэ гинэ на кылемын.

 

Зоопарк

Первомайской черкогуртын улӥсь Алексей Головкин тылобурдоослэн но пӧйшуръёслэн сульдэръёсынызы (чучело) адӟытон дасям.

Киясаысь музейын нимысьтыз сэрег усьтӥзы, гуртоос сое зоопарк гинэ шуо. Лудӵӧж, лудӟазег, вучайы, коньы, сёр, тур, сяла, нарды, кырпарсь, койык йыр но мукет сульдэръёс татын. Вӧзазы мамонтлэн лыосыз. Тае адӟыса, ёросын улӥсьёс но дорысьтызы тунсыко арбериоссэс вайыны ӧдъязы. Одӥгез дуринчи кар, мукетыз шӧкыч кар вуттӥзы, тылобурдо гонлэсь лэсьтэм панноос но вань. Шырыт сюлэмо адямиослы луыса музейлэн та сэрегез ялан узырме.

Чагыр эстӥськон витё

Туэ гужем газ кыскисьёс вуизы ёрослэн берпуметӥ, тямысэтӥ, гурт поселенияз.

Мукет муниципал кылдытэтъёсын чагыр эстӥськон кемалась кыскемын ни. Табере дыр вуиз ёросысь тужгес пыдлось гуртъёсын улӥсьёсты шумпоттыны. Юрмалай муниципал кылдытэтэ 6 гурт пыре. Со пӧлысь 4-яз асфальт сюресъёс лэсьтэмын. Газ но доразы вуиз ке, гуртоос дурыныз шумпотозы ни. Бадӟым осконзы вань, Выль арзэс шуныт юртъёсын пумиталозы ни шуыса.

 

Мӧзмыны дыр ӧвӧл

Киясаысь инвалидъёслы мӧзмыны дыр ӧвӧл. Огазеяськонэнызы берло дыре кивалтэ Аркадий Беспалов.

Ёрос культура юртын ужасьёс Ирина Русинова но Генриетта Елизарова но трос юрттӥсько соослы. Октябре «Зарни сӥзьыл» пумиськон радъязы, нош ноябре Кияса ёрослы 90 ар тырмонэз огазьын ортчытӥзы.

«Берегиня» клубе ветлӥсь сӧсыръёс одӥгзэ пукон ӝытсэс П. Кривоноговлэн музеяз радъязы. Кин табань-перепеч вайиз, кин варення, кампет. Пумиськон ӟеч мылкыдын но шулдыр кырӟанъёсын ортчиз. Котьку сямен ик куное вуылӥз Подгорной клубысь «Душа» коллектив.

Ёрослэн юбилееныз валче сӧсыръёс музейлы кузьым дасяллям — Кияса ёрослэн гербеныз бадӟым панно. Сое лэсьтӥзы «Берегиня» клубе ветлӥсьёс но ёросысь усточиослэн юртазы ужасьёс.

 

Ёросмылэн вакытэз

Туэ 4-тӥ ноябре ёросмы 90 арзэ пусйиз. Сӥё-дано нуналлы сӥзьыса, «Киясовское время» книга потӥз.

Книгаез дасянэ-поттонэ пыриськизы историкъёс, архивистъёс, ёрос огазеяськонъёс, эштосъёс, дышетонъя, культурая управлениос. Огъя кужымен со кие кутымон-лыдӟымон  пӧрмиз. Ёросмылы сӥзьыса, азьвыл поттэм 2 книгаос фотоальбом кадесь вал, нош туалаез 216 бамъем, кузьманы но яралоз, ӝӧк выл книга интыын но луоз. Тиражез — 600 быртык. Соиз жаль, удмурт кылмылы одӥг чур но инты сюрымтэ.

УД

Удмурт Дунне
By Удмурт Дунне 3 апреля, 2017 10:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<