Инкуазез утёнъя но инкуазь узырлыкъёсъя министерство: Жуг-жагез утялтоно, шур ӧръёсты сузяно, пӧйшуръёсты утёно

Удмурт Дунне
By Удмурт Дунне Апрель 6, 2017 17:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Кылем арын 117 койыкез, 13 кырпарсез но 1 косуляез машина пачкатӥз.

Инкуазез утёнъя но инкуазь узырлыкъёсъя министерство кылем арын ужамезлы йылпумъянъёс лэсьтӥз но туэ арлы ужпумъёс пуктӥз. Пумиськонэ вуылӥзы Правительстволэн Тӧроез Виктор Савельев, шаерысьтымы инкуазез утёнъя прокурор Егор Вихарев но мукетъёсыз.

Арысь аре министерстволэн ужан бусыез паськыта, али вылаз 156 ужпум ныпъямын. Кызьы вераз министр Александр Нестеров, кылем арын бадӟым саклык висъяськиз ву объектъёслы. Кылсярысь, азинтэмын вал Ува котырысь Ува шурлэсь ӧрзэ сузян. Озьы тулыс вулэсь утемын 2 сюрс 700 мурт. 2014-тӥ-2016-тӥ аръёсы Иж тыметлэн 111,6 гектар пыдэсыз луолэсь но вутурынлэсь сузямын.

Секыт югдур возиське жуг-жагез утялтонэн. Удмуртиын арлы быдэ 651 сюрс тонна силё люкаське. Шаерамы жаг возён 7 интыос ужало ке но, соос вань кырсез уг тэрыто. Соин кылдыны кулэ эшшо 5 выль полигонъёс — Ува, Камбарка, Сарапул, Воткинск, Глазов ёросъёсын. Ваньмаз жагез нимаз октонъя станциос ужалозы. Озьы ик ӝутскозы жагез нимаз октонъя бадӟым комплексъёс: одӥгез Иж котырын, мукетыз Глазов палан. Та вакытэ соослэн проектъёссы дасясько.

Министерство озьы ик син азяз возе кыр пӧйшуръёслэсь лыдзэс но. Шаерамы 281 пумо пӧйшур улэ, 71-ез вылэ пӧйшураны лэземын. Кылем арын Инкуазез утёнъя но инкуазь узырлыкъёсъя министерство пӧйшураны лэзись 30 сюрслэсь ятыр билетъёс сётӥз. Озьы ке но лушкем пӧйшурасьёс ӧжыт ӧвӧл. Озьы кылем арын браконьеръёс  123 койыкез, 14 кырпарсез но 1 гондырез быдтӥзы. Ӝутэмын 109 уголовной уж, 9 адями бышкись ез сьӧры пытсамын. Лушкем чорыгасьёс но ичи ӧвӧл. Шараямын 70 учыр, шуръёсысь поттэмын 33 иськем намотъёс.

Браконьеръёс киын бырем сяна, пӧйшуръёс питранъёс улэ сюро на. Кылсярысь, кылем арын 117 койыкез, 13 кырпарсез но 1 косуляез машина пачкатӥз. Таӵе учыръёс тросгес вал Дэбес, Можга, Якшур-Бӧдья но Дэри ёросъёсын.

Ангелина Снигирёва

Туспуктэм: минприрода-удм.рф

 

Удмурт Дунне
By Удмурт Дунне Апрель 6, 2017 17:10 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<