«Евровидениез» ортчытон, кризисэн нюръяськон, Галина Кулаковаез данъян

Удмурт Дунне
By Удмурт Дунне 24 апреля, 2017 11:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

ДУННЕЫН

Эшъяськыны быгато, пе

Ог кык арня ортчыса, Украинае люкаськыны кутскозы  «Евровидение» вожвылъяськонэ пыриськисьёс но куноос.

Крезьгуро праздникез ортчытонлы Киев тыро-пыдо дасяське ни. Поттӥз дэмланъёсын брошюра но. Отын верамын, кызьы астэ Украинаын возёно, валамтэос медаз кылдэ шуыса. Ӵектонъёс пӧлысь одӥгез — Украиналэн но Россилэн кусыпъёссы сярысь юалляськыны уг яра,  украинецъёс эшлыко мылкыдын уло, соин ик соосты ӟучъёсын ӵошатоно ӧвӧл.

Вазенгес верамын ни вал: Россия туэ «Евровидение» уг пыриськы, конкурсэз ортчытӥсьёсын огкыл шедьтымтэысь.

РОССИЫН

Экономика юнма

Россия туж быгатыса нюръяське кризисэн — пусйиз Валютая калыккуспо фондлэн кивалтӥсез Кристин Лагард.

Кызьы вераз К. Лагард, мувӧйлы дунъёс 100-ысь 27-28 долларозь усем бере Россиын туж дыраз но валаса ужрадъёс кутэмын вал. Соин ик 2017-тӥ арысен кунлэн экономикаез выльысь юнманы кутскиз. Чакламъя ВВП туэ йылоз, пе, 1,1 процентлы, нош 2018-тӥ арын — 1,2 процентлы.

Россилэн туэлы но 2018-тӥ — 2019-тӥ аръёслы бюджетаз мувӧйлэн дуныз 40 доллар чакламын. Соин ик сьӧд зарнилы дунъёс тэтчазы ке но, Россилы сокем кышкыт уз луы.

УДМУРТИЫН

Карточка вылын — Кулакова

Туннэ, 20-тӥ оштолэзе, Ижысь почтамтын Г. Кулаковалэн туспуктэменыз карточкаос вылэ штемпель пуктылозы.

4 полэс олимпийской, дуннеысь 9 полэс, СССР-ысь 39 полэс чемпионкалы 29-тӥ апреле 75 арес тырмоз. Котырес лыдпуслы сӥзьыса, Россиысь Почталэн Удмурт ёзэз нимысьтыз  карточка (открытка) но штемпель дасяз. Открыткалэн выл бамаз Г. Кулаковалэн кинюртэменыз туспуктэм возьматӥське. Карточкалэн мукет палаз марка интые штемпель пукто. Та ужрадэ пыриське ачиз Галина Кулакова. Ужрад ортче Ижысь Киров ульчаысь 116 номеро юртысь почтаын, кутсконэз 15 часын.

 

Удмурт Дунне
By Удмурт Дунне 24 апреля, 2017 11:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<