Дуннеысь егитъёслэн но студентъёслэн фестивалязы Удмуртиысь мынозы 170 егитъёс

Удмурт Дунне
By Удмурт Дунне 6 апреля, 2017 15:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туннэ, 6-тӥ апреле, мугорез кыдатон культурая, спортъя но егитъёсын ужан политикая министр Игорь Краснов вераз туэ 14-тӥ-22-тӥ октябре Сочиын ортчоно дуннеысь егитъёслэн но студентъёслэн 19-тӥ фестивальзы сярысь.

Озьы ик Сочие волонтёръёс чотын вуылыны мылкыдзэ вераз ни 638 адями, но удалтоз 50-лы гинэ.

Сочие фестивале вуозы 150 кунъёсысь ог 20 сюрс пала егитъёс. Шаерысьтымы отчы пыриськоз 125 егит мурт но 50 волонтёр, шуиз И. Краснов. Фестиваль чотын котырес ӝӧкъёс, лекциос, научной конференциос радъямын луозы. Сочие мынэм егитъёс быръем удысъёссыя — гожъяськон, суредаськон, кино лэсьтон, крезьгур, спорт, политика, наука но мукет — тодон-валанзэс муромытозы. Али но бер ӧвӧл на фестивале мыныны мылкыддэс вераны — куриськон 1-тӥ маёзь келяны луэ, http://www.russia2017.com/ сайтысь анкета гожтыса. Зэм, ваньмыз мылкыд карисьёс отчы сюрыны уз быгатэ — быръемын луозы устоосыз пӧлысь устоосыз соосын нимысьтыз пумиськонъёс ортчытэм бере. Ужрадэ куриськисьёс 18 аресысен 35 аресозь луыны кулэ. Лыдэ бсьтӥськоз на пӧртэм ужрадъёсы пыриськемзы, вань-а вормонъёссы, тодо-а кунгожсьӧр кылэз но мукет.

Та вакытэ 744 куриськон вуэмын ни.

Озьы ик Сочие волонтёръёс чотын вуылыны мылкыдзэ вераз ни 638 адями, но удалтоз 50-лы гинэ. Юрттӥськись сямен мыныны быгатэ котькудӥз 18 ареслэсь бадӟымгес адями. Соослы куриськон 15-тӥ апрелёзь гожтоно http://www.russia2017.com/ адресъя ик. Волонтёръёс фестивале мынон азьын дышетскозы  ИжГТУ бордын кылдытэм волонтёръёслэн центразы.

Удмуртилэн фестивале посолъёсыз быръемын ни: биатлонистка У. Кайшева, гимнаст Д. Белявский, «Купол» заводысь персоналъя управленилэн кивалтӥсез М. Гольденберг, калык артиста Н. Уткина.

Таӵе фестивальлы кутскон сётэмын вал 1947-тӥ арын Прагаын, Россиын со 3-тӥзэ ортчоз ни — 1957-тӥ но 1985-тӥ аръёсы дуннеысь егитъёс Москвае люкаськылӥзы вал.

Ангелина Снигирёва

Удмурт Дунне
By Удмурт Дунне 6 апреля, 2017 15:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<