Бызьылон — тазалыкез юнматон яке мода

Удмурт Дунне
By Удмурт Дунне 28 апреля, 2017 09:19

Ижысь Шор площадьын 28-тӥ-30-тӥ апреле ужалоз «Туризм. Спорт. Отдых» адӟытон. Та ужрадэ пыриськозы триатлонъя ӵошатсконъёсты радъясьёс Андрей Кавун но Алексей Ческидов.

Та адямиосты мукет сямен шуо на корт адямиос, угось соос трос пол пыриськылэмын триатлонъя дуннеысь ӵошатсконъёсы. Та вожвылъяськонъёс дыръя спортсменъёс нунал куспын 3,86 иськем уяса, 180 иськем великен но 42 иськем пыдын бызьыса ортчо. 28-тӥ апреле 19 час 30 минутэ Ижысь УдГУ-лэн библиотекаяз (Ломоносов ульча, 4б) та спортсменъёсын пумиськон луоз.

Шор площадьын «Туризм. Спорт. Отдых» адӟытон дыръя но мугорез кыдатонлы бадӟым саклык висъяны чакламын. Мылкыд карисьёс кужымзэс эскерозы, ГТО куронъёсты быдэстыса, фин амалъя ветлыны дасяськисьёс понна мастер-класс ортчытэмын луоз, озьы ик ужалоз «Лукоборье: ньӧлэн ыбылӥськон» площадка, «Бызь субботнике» ужрад. Адӟытон мынон нуналъёсы спортысь мукет ужпумъёс сярысь но вераськон ӝутэмын луоз.

Валентина Емельянова

Туспуктэм: vk.com

Удмурт Дунне
By Удмурт Дунне 28 апреля, 2017 09:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<