Быдӟым оже бырем Николай Логиновлэсь лысьӧмъёссэ Иже вуттӥзы

Удмурт Дунне
By Удмурт Дунне 4 апреля, 2017 14:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Н. Логиновлэн истребителезлэсь бервылъёссэ 2015-тӥ арын «Кубанский плацдарм» огазеяськонысь утчаськисьёс шедьтӥзы.

Туала вакытэ но музъемысь шедё на Быдӟым оже быремъёслэсь лысьӧмъёссы. Огзэ та нуналъёсы вуттӥзы Ижкаре.

Николай Логинов 1917-тӥ арын Ижын вордӥськем. 1939-тӥ арын армие басьтэмын вылэм. Ож кутскем бере сюрем 267-тӥ истребительной авиационной полке, И-153 истребителен лобам. Будэм младшой лейтенантозь, звенолэн командирез луэм. Кышкатэк ожмаськемез понна Горд Кизили но Горд Знамялэн орденъёсын пусъемын. Горд Знамя орденэз понна наградной листын гожтэмын: «1942-тӥ арын 2-тӥ-22-тӥ августэ тушмонлэсь мотомехвойскооссэ быдтылӥз. Со дыр ӵоже пилот 28 пол заданиосы лобаз. Группаеныз ӵош быдтӥз: 37 тушмон автомашинаосты, бензинэн 2 автоцистернаосты, 2 зениткаосты, 1 автобусэз, 135 солдатъёсты но офицеръёсты». 1942-тӥ арын октябре лётчик, задание потыса, чиптэм-чаптэм ышиз. «Буре ваён книгаын» гожтэмын «пропал без вести».

Н. Логиновлэн истребителезлэсь бервылъёссэ 2015-тӥ арын «Кубанский плацдарм» огазеяськонысь утчаськисьёс шедьтӥзы. Краснодарысь но Ижысь поисковикъёслэн, асьме газет-журналъёслэн дэмен ужаменызы 2016-тӥ арын лётчиклэн ӵыжы-выжыосыныз герӟаськыны луиз.

24-тӥ южтолэзе «Ижавиа» компания младшой лейтенантлэсь лысьӧмъёссэ Удмуртие вайиз. Н. Логинов берытскиз вордскем музъемаз, 75 ар ортчыса. Та пумысен сӥё-дано ужрад, нош собере Свято-Михайловской соборын отпевание ортчизы. Н. Логиновлэсь лысьӧмъёссэ ватозы 9-тӥ май котырын Ижын.

Елена Рябина

Туспуктӥз А. Горбунов

Удмурт Дунне
By Удмурт Дунне 4 апреля, 2017 14:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<