Законъёс луо пӧртэм

Удмурт Дунне
By Удмурт Дунне Март 12, 2017 08:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Журналистъёсын пумиськылӥз Кун Кенешысь Национальной политикая, кышкытлыклэсь утиськонъя, регламентъя но Кун Кенешлэсь ужзэ радъянъя ялан ужась комиссилэн кивалтӥсез Энвиль Касимов.

Дружинникъёс — югдытӥсьёс

Энвиль Касимов верамъя, элькунамы туж умой быдэсъяське калык дружинаос сярысь закон. Юнматэмын со 2014-тӥ ар пумын. 2 ар куспын 66 дружинаос кылдэмын ни, отчы 1 сюрс 320 мурт пыремын. Пӧлазы вань егитъёс но, арлыдоос но, ужан интыоссы но пӧртэмесь, кылсярысь, одӥгез — черкысь баӵко.

— Дружинникъёс пӧртэм бадӟым ужрадъёсы пыриськыло, рейдъёсы потало, — вераз Энвиль Владимирович. — Соослы луыса кылем арын гинэ 61 йыруж шараямын, ог 2 сюрсэз алэмын.

Энвиль Касимов дружинникъёсты югдытӥсьёсын ӵошатэ. Соос, пе, валэкто, кызьы астэ возёно калык пӧлын, малы законъёсты тӥяны уг яра но мукет.

Машиналы инты — нылпи площадкаын?

Зэм, одӥгъёсыз законъёс туж умой быдэсъясько ке, мукетъёсыз пумен кулэтэм луо. Кылсярысь, туэ 1-тӥ мартысен быдэсъяськемысь дугдӥз машинаосты газонъёс вылэ, нылпи площадкаосы пуктылыны алӥсь закон. Сыӵе решение кутӥз нырысь ик Удмуртиысь, собере Россиысь Вылӥ суд.

— Вылӥ судэ вазиськиз нылкышно, солы тыриськон тупатӥллям машиназэ газон вылэ пуктэм понна, — валэктӥз  ялан ужась комиссиен кивалтӥсь. — Суд со пала дурбасьтӥз. Шуиз: Кун Думаын таӵе закон юнматымтэ, улосъёс ас кожазы тыриськонъёс тупатыны уг быгато.

Зэм, Энвиль Касимов оске, та ужпумез Кун Думаын куке-соку эскерозы ик шуыса. Угось Удмуртиез гинэ со уг шугъяськыты: газонъёс вылэ, нылпи площадкаосы машиназэс пуктылӥсьёс котькытын вань. Кылсярысь, Свердловск улосысь парламент та пумысен законопроект дасяз но Москвае ыстӥз ни. Кун Кенешысь депутатъёс сое умоен лыдъяло.

Сюлмаськытӥсь вотэс

Кун Думаысь депутатъёс дасяло нылпиос пӧлын асьсэды быдтон учыръёслы пумит законопроект. Удмуртиын таџе учыръёс ќй вал ке но, Кун Кенешысь депутатъёс законопроектлы дурбасьто.

Россиез шуге-леке вутто Интернетысь «кулон группаос». Соосты радъясьёс нылпиосты пӧяса кыско асьсэды быдтонэ. Депутатъёс шуо: таӵеосты одно кыл кутон улэ кысконо — эриксэс ог 12 арлы талано.

Нылпи олокыџе но вотэс бамъёсын медаз пукы шуыса, анай-атай соин тросгес вераськыны кулэ, Интернетэ кугӟакуз, уката сак кариськоно. Угось, «кулон группаос» сяна, мукет но кышкыт сайтъёс вань. Шуом, экстремизмен герӟаськемъёсыз.

Элина Кумачёва

 

Удмурт Дунне
By Удмурт Дунне Март 12, 2017 08:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<