Вож луыны вожмаськомы!

Удмурт Дунне
By Удмурт Дунне 7 марта, 2017 13:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Жаг куян инты сярысь ивортыны луэ  ecomap-onf.ru сайтэ пырыса. 

«Калык фронт» жаген нюръяськыны ӧте

Удмуртиысь «Калык фронт» огазеяськон шаермес жуг-жаглэсь мозмытон борды басьтӥськиз. Та нуналъёсы солэн азьветлӥсьёсыз тодматӥзы, кызьы быдэсъяськоз быдэс Россиын мытэм «Бадӟым чылкытатӥськон» («Генеральная уборка») проект.

600 гектар гурезьёс

Та проект быдэс Россиын быдэсъяськыны кутскиз 26-тӥ январьысен, со улсын чакламын олокытчы но куям жуг-жагез утялтыны. Та ужлэн бадӟым кулэлыкез сярысь вераськон ӝутэмын вал Россиысь «Калык фронт» огазеяськонлэн кылем арын ортчем форумаз. Отын ӵектэмын вал нюлэсъёсын, возьёсын кылдытэм жуг-жаг гурезьёсты нимысьтыз Интернет-картае пыртыны, со картае кырсь интыосты пусйыны мед быгатоз котькуд адями. Со мед луоз кивалтӥсьёслэн ӝӧк выл картазы, мед адӟозы, кыӵе уж бордын саесъёсты пужалляса ужано. Россилэн Президентэз Владимир Путин таӵе ӵектонлы дурбасьтӥз.

Асьме дорын та проектэз пыӵатонлэсь кулэлыксэ возьмато таӵе лыдпусъёс: шаерамы жуг-жаг возьыны чакламтэ 568 интыосын силё гурезьёс кылдэмын. Зэм, лыдъямын 20 соткалэсь бадӟымъёсыз гинэ. Вань та жагез огазе люкасалмы ке, со 600 гектарез басьтысал. Син азе пуктон вылысь — сомында силёлы кулэ луысал Ижысь зоопаркмы быдӟа 40 инты. Нош кӧняез сыӵе лушкем ватосъёс шараямтэ на. Кышкыт жуг-жаг гыроно-кизёно музъемъёсты, нюлэсъёсты, турнано возьёсты кырсёмытэ, висён нуллӥсь нымы-кибыос, пӧйшуръёс отын аляло. «Калык фронт» огазеяськон шаермес чылкытатон борды итӥськыны куре ваньместы.

Вань та жагез огазе люкасалмы ке, со 600 гектарез басьтысал.

 Кырсь интыос — картаын

— Табере кулэ уз луы ни, кырсь интыез утялтыны курыса, участковоез яке муниципал кылдытэтлэсь йырзэ ёртыны, — вераз Удмуртиысь «Калык фронт» огазеяськонлэн азьветлӥсез Евгений Сомов. — Жаг куян инты сярысь ивортыны луэ милемлы, ecomap-onf.ru сайтэ пырыса. Отысь картае кыжмем интылэсь туспуктэмзэ но кытынзэ гожтоно. Пусъем интые горд вишты кылдоз. Лымы шунаны ӧдъяз ке, кутскомы со интыосы потаны но эскерыны. Специалистъёсмы учкозы, макем секыт югдур отын кылдэмын. Угось куд-ог учыръёсы жагез ӝегатскытэк утялтыны кулэ. Жаляса верано, адямиос, чик малпаськытэк, асьсэлэн ик тазалыксылы, музъемлы, пӧйшуръёслы кышкытлык вайись арбериосты куяло, со арбериос пӧсь шунды шорын ӝуаны кутско. Кыжмем интыез эскереммы бере одно ик герӟаськомы Прокуратураен, Инкуазез утёнъя но инкуазь узырлыкъя министерствоен, кусып тупатом ёрос администрациен, кулэ луиз ке, чылкытатон уже кыском МЧС-эз но.

Адямиос картаысь ик чакланы быгатозы, кызьы мынэ чылкытатӥськон. Сое валаны луоз картаысь виштылэн буёлъёсыз воштӥськемъя: горд вишты возьматэ жаг куян интыез, ӵуж ке, отын утялтӥськон мынэ, вож ке — инты чылкытатэмын. Та нуналлы картаын пусъемын ини 45 кырсь инты. 8-аз чылкытатон мытэмын. Вож виштыос та вакытлы ӧвӧл на.

Ангелина Снигирёва

Туспуктэм: onf.ru

Удмурт Дунне
By Удмурт Дунне 7 марта, 2017 13:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<